Publikohen pamjet kur Wilder bëri goditje të paligjshme ndaj Parker, nuk iu hoqën pikët

Deontay Wilder u kap nga kamerat duke përdorur një lëvizje të paligjshme në fazat e fundit të luftës së tij me Joseph Parker.

Boksieri 38-vjeçar u mposht me pikë nga Parker në ndeshjen e parafundit në një natë spektakolare të boksit në Arabinë Saudite.

Ish-kampioni i peshave të rënda WBC u dominua nga fillimi në fund nga Parker, i cili fitoi me pikë 118-111, 118-110, 120-108 në kartat e gjyqtarëve.

Lexo po ashtu Dalin statistikat nga gjyqtarët: Kush realizoi goditje më shumë në duelin Wilder - Parker

Wilder dukej si një hije e vetvetes së tij të mëparshme dhe u përpoq të bënte ndonjë goditje që shpresonte t’i sillte fitoren ndaj Parker.

Në raundin e fundit të luftës, amerikani u përpoq të rriste ritmin e tij dhe u përpoq të tërhiqte Parkerin në një përleshje.

Në një moment, ai lëshoi një numër goditjesh në pjesën e pasme të kokës së Parker.

Lexo po ashtu Wilder mori një “breshëri” grushtesh nga Parker, tifozët nuk mund ta besojnë si iu mbijetoi atyre

Grushtet, të cilat përdoren zakonisht në MMA – edhe pse jo në pjesën e pasme të kokës, janë të paligjshme në boks.

Wilder u paralajmërua nga arbitri për përdorimin e tyre, por amerikanit nuk iu hoqën pikë. /Telegrafi/

https://youtu.be/4HI8bysvBcE?t=2010