LAJMI I FUNDIT:

Publikohen pamjet kur dy pengje dolën me vrap nga sinagoga në Teksas dhe pengmarrësi duke i ndjekur me armë – bëhet i ditur emri i tij

Publikohen pamjet kur dy pengje dolën me vrap nga sinagoga në Teksas dhe pengmarrësi duke i ndjekur me armë – bëhet i ditur emri i tij

Britaniku që u qëllua për vdekje pasi mori peng katër persona brenda një sinagoge në Teksas, është identifikuar si një 44-vjeçar nga Blackburn.

Sipas mediave britanike, përcjell Telegrafi, Malik Faisal Akram u qëllua për vdekje pas një përplasjeje me oficerët e inteligjencës amerikane në Kongregacionin Beth Israel në Colleyville, Teksas të shtunën.

Akram, i cili thuhet se ishte i armatosur me ‘çanta shpine me eksploziv’, kishte kërkuar lirimin e terroristes së dënuar pakistaneze Aafia Siddiqu – e njohur si Zonja Al Kaeda – e cila sipas policisë referohej si motra e tij.

Ai i mbajti pengjet, duke përfshirë rabinin Charlie Cytron-Walker, të bllokuar brenda Kongregacionit Beth Israel në Colleyville, afërsisht 27 milje nga Dallas, për rreth 10 orë përpara se të qëllohej për vdekje.

Të gjithë pengjet u raportuan më pas të lirë dhe të sigurt.

Sekretarja e Jashtme e Britanisë së Madhe, Liz Truss shkroi në Twitter për të dënuar “aktin e tmerrshëm të terrorizmit dhe antisemitizmit në Teksas”.

Zonja Truss shtoi: “Ne qëndrojmë me SHBA-në në mbrojtjen e të drejtave dhe lirive të qytetarëve tanë kundër atyre që përhapin urrejtje”.

Agjenti special i FBI-së, Matthew DeSarno, konfirmoi se Akram ishte një shtetas britanik dhe se “për momentin nuk ka asnjë tregues se individë të tjerë janë të përfshirë” në një deklaratë të lëshuar për media të dielën pasdite.

Ai tha se Ekipi i Shqyrtimit të Incidentit të të shtënave të FBI do të kryente një ‘hetim të plotë, faktik dhe objektiv’.

Këto detaje vijnë pasi pamjet dramatike të transmetimit të drejtpërdrejtë zbuluan momentin kur dy pengje dolën me vrap nga tempulli.

Akram mund të shihet duke dalë nga dera ndërsa i ndjek me armë, përpara se të tërhiqet shpejt brenda dhe të mbyllë derën pasi dalloi ekipin SWAT aty pranë.

Dhjetëra agjentë më pas shkelin sinagogën pasi dëgjohen të shtëna armësh.

Një zëdhënës i Zyrës së Jashtme, Komonuelthit dhe Zhvillimit tha të dielën: “Ne jemi në dijeni për vdekjen e një britaniku në Teksas dhe jemi në kontakt me autoritetet lokale”. /Telegrafi/


Në trend Botë

Më shumë
Detaje nga likuidimi i dezertorit rus në Spanjë, piloti që iku në Ukrainë me helikopter u vra nga dy persona

Detaje nga likuidimi i dezertorit rus në Spanjë, piloti që iku në Ukrainë me helikopter u vra nga dy persona

Evropa
Mbi 100 vite më parë jetonin 805 persona, sot është një “qytet fantazmë” në Kanada – të gjithë banorët kishin origjinë ukrainase

Mbi 100 vite më parë jetonin 805 persona, sot është një “qytet fantazmë” në Kanada – të gjithë banorët kishin origjinë ukrainase

Amerika
U fut në verari dhe hapi rezervuarët, u derdhën 60 mijë litra verë që kapin vlerën e 2.5 milionë eurove – kamerat e sigurisë kapin momentin në Spanjë

U fut në verari dhe hapi rezervuarët, u derdhën 60 mijë litra verë që kapin vlerën e 2.5 milionë eurove – kamerat e sigurisë kapin momentin në Spanjë

Evropa
Brenda burgut famëkeq rus ku vdiq Alexei Navalny

Brenda burgut famëkeq rus ku vdiq Alexei Navalny

Evropa

"Ishin të gjitha shenjat se...": Ukraina po përgatitej për një luftë të plotë me Rusinë, pesë muaj para se të fillonte

Botë
Të premten, SHBA me paketë të madhe sanksionesh kundër Rusisë për vdekjen e Navalny dhe luftën në Ukrainë

Të premten, SHBA me paketë të madhe sanksionesh kundër Rusisë për vdekjen e Navalny dhe luftën në Ukrainë

Evropa
Kalo në kategori