Publikimi i parë i studimit shkencor në SHBA me 21 raste të infeksionit me Coronavirus
Një klinikë amerikane në Washington ka publikuar studimin e parë në SHBA me 21 pacientë të sëmurë kritik me coronavirusin COVID-19
Përgatiti dhe komentoi:
Prof. Dr.dr.med. Naim Shabani
Gjinekolog-obstetër dhe Patolog
Drejtor i Klinikës Gjinekologjike Gjermane – DFK, Prishtinë
Sindroma e rëndë akute respiratore- coronavirus 2 (SARS-CoV-2) dhe sëmundja që ajo shkakton, sëmundja coronavirus 2019 (COVID-19), është një gjendje emergjente shëndetësore.
Kjo sëmundje është përhapur tani në tërë botën dhe tashmë OBSH e ka shpallur pandemi.
Spitali Evergreen në Kirkland, Washington, ka publikuar, në gazetën prestigjioze JAMA ( të Shoqatës së Mjekëve Amerikanë) para pak ditësh (më dt 19.03.2020), studimin e parë të rasteve të pacientëve me sëmundje COVID-19 në Shtetet e Bashkuara te Amerikës.
Autorët në këtë studim përshkruajnë prezantimin klinik, karakteristikat dhe rezultatet e pacientëve te të cilët u diagnostikua infeksioni me SARS-CoV-2, gjithsej 21 pacientë.
Ata ishin të moshës mesatare 70 (43-92 vjeç), 52% e të cilëve ishin meshkuj. Të gjithë u treguan të infektuar me SARS-CoV-2. Nga ata, 18 pacientë, gjithashtu kishin sëmundje përcjellëse, më së shpeshti me insuficiencë kongjestive të zemrës dhe sëmundje kronike të veshkave.
Simptomat para – dhe gjatë pranimit
Në studimin e tyre, mjekët përshkruanin se simptomat e para që treguan pacientët me infeksion me SARS-CoV-2 përfshinin frymëzënie (76%), temperaturë me ethe (52%) dhe kollë (48%).
Këto simptoma filluan mesatarisht 3, 5 ditë para se pacientët të pranohen në spital, ku 17 prej tyre (81%) u transferuan në njësinë e kujdesit intensiv pas më pak se 24 orësh.
Një radiografi abnormale e kraharorit është vërejtur në 20 pacientë (95%) me rastin e pranimit në klinikë. Analizat laboratorike gjatë pranimit treguan numër mesatar të leukociteve 9,365/μL.
14 pacientë (67%) kishin një numër absolut të limfociteve më pak se 1.000 qeliza /μL. Në 8 pacientë (38%) testet e funksionit të mëlçisë ishin patologjike.
Dekursi i mëtutjeshëm i sëmundjes
Në rrjedhën e mëtutjeshme të sëmundjes, 15 pacientë (71%) duhej të ventiloheshin mekanikisht dhe zhvilluan të ashtuquajturën sindromë akute distrese të frymëmarrjes (ARDS). Brenda 72 orësh, 8 prej tyre kishin ARDS të rëndë.
Megjithëse nuk kishte shenja të shokut në shumicën e pacientëve te 14 pacientë (67%) gjatë fazës së sëmundjes u përdorën vazopresorët. Kardiomiopatia u zhvillua në 7 pacientë (33%). Vdekshmëria ishte 67% dhe 24% e pacientëve mbetën të sëmurë kritikisht.
9.5% të pacientëve gjendja e tyre mundësoi lirimin nga njësia e kujdesit intensiv.
Koment
Përshkrimi i studimit të publikuar tregon se shumë prej pacientëve të përfshirë zhvilluan sindromën akute të shqetësimit (distresit) të frymëmarrjes (ARDS) gjatë infeksionit me SARS-CoV-2 dhe ishin në rrezik të lartë të vdekjes.
Këto të dhëna janë të ngjashme me të dhënat e publikuara nga Kina.
Është e paqartë nëse shkalla e lartë e kardiomiopatisë e vërejtur në këtë seri rastesh është një ndërlikim i drejtpërdrejtë kardiak i infeksionit SARS-CoV-2.
Autorët janë të vetëdijshëm për numrin e vogël të rasteve në këtë studim andaj rekomandojnë që për të verifikuar më mirë këtë vëzhgim (kardiomiopatinë), kërkime të mëtejshme janë të nevojshme. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert