PSP paralajmëron ankesë për rastin ‘Arka’, pritet ndërrimi i gjykatëses

PSE me siguri do të apelojë vendimin për rastin ‘Arka’ që mos t’i shqiptohet masë paraburgimi njërit prej të dyshuarve në “Arka”, përcjell Telegrafi Maqedoni.

Ankesa e PSP-së duhet ta shqyrtojë Këshilli prej tre anëtarësh të Gjykatës Penale, i cili brenda 48 orëve duhet të vendosë nëse do të konfirmojë vendimin e gjyqtarit të procedurës paraprake ose të pranojë kërkesën e PSP-së dhe do të përcaktojë masë paraburgimi apo do të përcaktojë një masë tjetër.

‘Kërkesat Prokurorisë Speciale Publike (PSP) për përcaktimin e masave kundër katër të dyshuarve në “Arka” janë të shpërndara në mesin e tre gjyqtarëve të procedurës paraprake, të cilat vendosin për propozimet e PSP, shpjegojnë nga Gjykata e Penale për portalin Meta.

Prokuroria Special Publike, në ndërkohë është në pritje të vendimit të kryetari të Gjykatës Themelore Shkup 1, Vlladimir Panchevski, në lidhje me kërkesën e PSP për ndërrimin e gjyqtares e cili duheshte të vendosë për masat e kujdesit, domethënë për konfiskimin e pasaportave të tre të dyshuarve në “Arka” , përndryshe ish-zyrtarë të lartë të DSK-së dhe MPB-së.

PSP, ka kërkuar përjashtimin e gjyqtares, për shkak të rrethanave që tregojnë nga ana e tyre se, dyshohet për njëanshmëri. Konkretisht, kunati i gjyqtares apo vëllai i bashkëshortit të saj punon për ndërmarrjen që është në marrëdhënie të ngushtë “Finzi”.

Pançevski, në bazë të Ligjit të Procedurës Penale, ka tre ditë për të vendosur mbi përjashtimin e gjyqtares. Gjykata Penale tha se vendimi do të bëhet i ditur ndoshta nesër ose të mërkurën më së voni.

Nga atje, deri më tani nuk ka informata në lidhje me atë se kur gjykatësi i tretë do të vendosë për kërkesën e PSP-së për ngrirjen e llogarive të ndërmarrjes “Finzi”. /Telegrafi/