PSG shpall një shpërblim të jashtëzakonshëm për 600 pjesëtarët e klubit

Presidenti i Paris Saint-Germain, Nasser Al-Khelaifi, ka njoftuar një gjest bujar për stafin prej 600 personash të klubit, duke i shpërblyer ata për arritjen në finalen e Ligës së Kampionëve.

Pas fitores së tyre me rezultat të përgjithshëm 3-1 ndaj Arsenalit, Al-Khelaifi konfirmoi se çdo anëtar i stafit do të marrë bileta falas dhe do të udhëtojë për në Mynih për finalen kundër Interit më 31 maj.

Në një letër të përzemërt drejtuar stafit, Al-Khelaifi theksoi rëndësinë e përpjekjeve kolektive në suksesin e klubit.

Ai deklaroi se stafi do të marrë gjithashtu një pjesë të bonusit të performancës, i cili zakonisht është i rezervuar për lojtarët e ekipit të parë.

Ky veprim tregon vlerësimin e presidentit për punën e palodhur dhe përkushtimin e të gjithë familjes PSG.

Lexo po ashtu Publikohen milionat që ka shpërndarë UEFA tek kubet nga Liga e Kampionëve: Real Madridi mbrapa Dortmundit

Letra e Al-Khelaifit nxori në pah filozofinë e klubit, duke theksuar unitetin dhe përpjekjet kolektive që i kanë sjellë ata në këtë fazë.

Angazhimi dhe pasioni i stafit do të vazhdojnë ta çojnë ekipin përpara, duke filluar me finalen e ardhshme të Kupës së Francës. /Telegrafi/