Sipas Frederik Mertens, analiste strategjike në Qendrën e Hagës për Studimet e Sigurisë, aksionet rreth qytetit ukrainas të Bakhmutit janë më të larta se kurrë për Moskën pas rebelimit të grupit mercenar Wagner teksa po vazhdon kundërofensiva ukrainase.
“Rebelimi i grupit të Wagnerit më 24 qershor ndryshoi rëndësinë e Bakhmutit për rusët. Ai gjithashtu mund të bëhet një faktor kyç përgjatë vijës së tyre të frontit lindor dhe jugor”, tha Mertens.
Beteja për qytetin Bakhmut, në rajonin lindor të Ukrainës, Donetsk, ku përplasjet e ashpra po vazhdojnë prej muajsh. Vendbanimi, i cili dikur ishte shtëpia e rreth 70 mijë njerëzve, u rrafshua me tokë.
“Nuk ka asgjë, ata shkatërruan gjithçka. Bakhmut është vetëm në zemrat tona”, tha presidenti ukrainas, Volodymyr Zelensky.
Por, rëndësia e Bahmutit ka qenë gjithmonë më shumë simbolike sesa strategjike, thonë analistët ushtarakë.
Dhe ishte qyteti ku grupi i mercenarëve Wagner, i cili vepronte nën oligarkun rus, Yevgeny Prigozhin, luajti rolin më të spikatur. Prigozhin tha në fund të majit se rekrutët e Wagnerit po tërhiqeshin nga Bakhmut, megjithëse analistët sugjeruan se zëvendësimi i forcave ushtarake çeçene dhe ruse nuk do të mbushin boshllëkun e lënë nga mercenarët.
Më 24 qershor, Wagner filloi një rebelim të armatosur jetëshkurtër dhe marshuan drejt Moskës. Por, rebelimi përfundoi befas dhe u njoftua se Prigozhin do të shkonte në Bjellorusi sipas marrëveshjes që supozohet se ishte ndërmjetësuar nga presidenti bjellorus, Alexander Lukashenko.
“Megjithatë, ndërsa Bakhmuti u bë i vetmi vend ku ushtria ruse ende po përparonte, ajo mori një rëndësi shtesë të politikës së jashtme. Për Rusinë, mbajtja e Bakhmut tani është bërë një imperativ edhe më i madh politik dhe kjo mund të jetë pikërisht ajo që Ukraina i duhet për të detyruar Rusinë të përqendrohet tek rezervat e tyre operacionale”, tha Mertens për Newsweek.
Pa këto trupa në zona të tjera të vijës së parë, si Zaporozhzhia, ky mund të jetë një avantazh vendimtar në përpjekjet e Ukrainës për të thyer linjat ruse, shtoi ai.
“Ka një arsye të mirë ushtarake pse Ukraina po rrit presionin rreth Bahmutit”, tha Mertens.
Më 1 korrik, Instituti për Studimin e Luftës (ISW) me bazë në Uashington sugjeroi se forcat ruse ka të ngjarë të tërheqin forcat nga frontet e tjera për të përforcuar trupat e tyre në dhe rreth Bakhmutit.
Forcat ukrainase kryen operacione kundërsulmi “në të paktën katër sektorë” të vijës së frontit më 4 korrik, njoftoi Instituti amerikan për Studimin e Luftës.
Por, Ukraina është përballur me kritika për ritmin e ngadaltë të fitimeve territoriale. Presidenti ukrainas, Volodymyr Zelensky tha në mesin e qershorit se përparimi në fushën e betejës ishte më i ngadalshëm se sa dëshirohej.
Gjenerali Mark Milley, komandanti i përgjithshëm i SHBA-së, tha në atë kohë se kundërofensiva do të ishte shumë e përgjakshme, por se, megjithëse paksa e ngadaltë, ajo ishte pjesë e natyrës së luftës.
Forcat ukrainase po bëjnë përparim të qëndrueshëm, gradual, por kjo nuk do të thotë se Kievi nuk është në gjendje të rimarrë pjesë të mëdha të territorit, njoftoi ISW në përditësimin e saj të fundit. /Telegrafi/
Promo
Reklamo këtuLufta Prigozhin - Putin
Më shumëMë shumë se njëzet ekipe, bashkë me dronët dhe qentë - në kërkim të helikopterit "të rrëzuar" të presidentit iranian
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
Raportime "kontradiktore" rreth asaj se çfarë ndodhi me helikopterin ku ndodhej presidenti iranian Ebrahim Raisi
Ukraina realizon një nga sulmet më të mëdha me dronë brenda Rusisë
"Qiejt tanë do të bëhen ferr për pilotët okupues!”: Ukraina thotë se ka rrëzuar aeroplanin e katërt rus në dy javë
Helikopteri i presidentit iranian Ebrahim Raisi bën “ulje emergjente”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare