Pse pajisjet kryesore quhen “teknikë e bardhë”? Përgjigjja është shumë e thjeshtë

A keni menduar ndonjëherë – pse pajisjet e bardha quhen vërtet të bardha?

Në fillim, një sqarim – shumica e ekspertëve i ndajnë pajisjet shtëpiake në tri kategori – të vogla, kryesore dhe elektronikë e konsumit të gjerë.

Pajisjet kryesore janë ato që ne zakonisht i quajmë teknikë e bardhë. Këto janë makina e larjes së enëve, rrobalarësja, frigoriferi me ngrirje të thellë, frigoriferi i zakonshëm, bojleri dhe shporeti… dhe në fakt shumica e pajisjeve pa të cilat nuk mund ta imagjinonim jetën moderne.

Tani… pse këto pajisje quhen edhe teknikë e bardhë?

Përgjigjja është shumë e thjeshtë – sepse në të kaluarën ato mund të bliheshin vetëm në ngjyrë të bardhë. Kjo teknikë zakonisht lyhet ose smaltohet në të bardhë, ndoshta sepse papastërtia është më e dukshme në atë ngjyrë, transmeton Telegrafi.

Edhe pse shumica e këtyre pajisjeve tani mund të blihen në çdo ngjyrë tjetër, emri nuk ka ndryshuar. Interesant është fakti se termi vjen nga gjuha angleze, ku thonë edhe “white goods” për pajisjet kryesore. E pra ka edhe “teknikë të zezë” pra “black goods”?

Jo në të vërtetë. Në anglisht, pajisjet elektronike të konsumit (televizorë, telefona, kompjuterë, radio marrës…) quhen ndryshe edhe (“brown goods”).

Dhe ka një shpjegim për këtë. Në të kaluarën, shumica e këtyre pajisjeve mbuloheshin me dru të vërtetë ose imitues, ndaj për shkak të ngjyrës quheshin “mallra kafe” për t’i dalluar nga “mallrat e bardha”.

Kjo është një gjë e rrallë sot, por emri ka ngelur, veçanërisht në Britaninë e Madhe, edhe për mallrat që nuk ka gjasa të kenë pasur ndonjëherë një kuti druri (si p.sh. një kompjuter). /Telegrafi/