LAJMI I FUNDIT:

Pse njerëzit e këtyre vendeve janë më të lumtur

Pse njerëzit e këtyre vendeve janë më të lumtur

Në mesin e një pandemie globale dhe trazirave socio-ekonomike, lumturia është një nga ato fjalët e përdorura më pak dhe kjo është arsyeja pse së fundmi u hap një muze i rrallë, kushtuar pikërisht lumturisë, ku tjetër përveçse në Danimarkë

Muzeu është pjesë e Happiness Research Institute, një institut studimesh serioze, i cituar shpesh nga media të rëndësishme si New York Times, Guardian, BBC, Times, Telegraph, Corriere Della Sera, Forbes, CNN etj.

Ky institut ka për qëlim që të studiojë pse disa shtete janë më të lumtura se të tjerat duke patur qëllim inkurajimin e politikave të caktuara që përmirësojnë mirëqënien e njerëzve.

Meik Wiking, Drejtori i Përgjithshëm i Happiness Research Institute u shpreh (via CNN) se ideja për të hapur një muze erdhi si pasojë e kërkesave të njerëzve për të vizituar zyrat e tyre.

“Mendoj se njerëzit imagjinojnë që instituti ynë është një vend magjik – një dhomë me qenushë ose akullore – por ne jemi vetëm tetë njerëz të ulur para kompjuterëve që analizojmë të dhënat,” u shpreh ai.

“Kështu që menduam se pse të mos krijojmë një vend ku njerëzit të përjetojnë lumturi nga këndvështrime të ndryshme dhe t’u japim atyre një ekspozitë se si mund të bëhen më të zgjuar në lidhje me disa pyetje të cilave duan t’u japin përgjigje.”

Përpos faktorëve ekonomikë, çfarë e bën një vend më të lumtur se një tjetër?

Një nga pikat kryesore të muzeut është studimi se pse disa vende nordike kanë tendencën të kenë nivelet më të larta të lumturisë në Tokë. Për shembull, Danimarka, shpesh arrin majat e sondazheve për shtetet më të lumtura në botë.

Në raportin për vitin 2020 po nga i njëjti intitut, Danimarka renditet në vendin e dytë, pas Finlandës. Kopenhagen renditet si qyteti i pestë më i lumtur në botë, pas Helsinkit, Aarhus (gjithashtu në Danimarkë), Uellingtonit dhe Zyrihut.

Si për ironi, vendet nordike, të cilat paraqesin shkallën më të lartë të lumturisë, kanë elemente të cilat gjerësisht konsiderohen si e kundërta e lumturisë: taksa të larta, mot i ftohtë dhe periudha të gjata pa diell. Atëherë pse janë të lumtur?

Një psikologe daneze, Marie Helweg-Larsen, njëkohësisht profesoreshë në Kolegjin Dickinson në Pensilvani, thotë se “besimi është faktor i lumturisë”.

Ajo thekson gjithashtu konceptet daneze si “pyt” – një lloj sjelljeje që lidhet me pranimin e problemeve dhe dëshirën për t’i tejkaluar ato – apo “hygge” – lidhja mes ndërveprimeve personale dhe mjedisit. Këto dy koncepte janë të shkëlqyera për të lehtësuar stresin.

Fakte për Finlandën, shtetin më të lumtur në botë

1. Finlandezët kalojnë shumë kohë jashtë: Rreth 70% e territorit të tyre është i mbuluar nga pyjet. Prandaj, njerëzit ndihen komod dhe të mbrojtur kur janë të rrethuar nga natyra. Ata, pjesën më të madhe të kohës e kalojnë duke bërë xhiro me biçikleta ose hiking.

2. Uji i pijshëm është falas: Finlanda shpesh quhet si toka e një mijë liqeneve. Uji i tyre është kaq i pastër sa mund ta pish që aty, pasi nuk kërkon ndonjë proces filtrimi. Thuajse çdo restorant ofron një kanë me ujë falas, edhe nëse ti harron të porosisësh kamerierin.

3. Aty bëhet pica më e mirë në botë: 3 vite më parë, Finlanda u shpall si vendi me picën më të mirë në botë, duke lënë pas Italinë dhe famën e saj për picat magjike!

4. Ishte vendi i parë që i dha çdo qytetari të drejtën për t’u aksesuar në internet.

5. Atje baballarët kalojnë më shumë kohë me fëmijët sesa nënat.

Shtojcë: 99% e njerëzve shkojnë në sauna të paktën një herë në javë dhe rrugëve të qyteteve të vogla, mund të shihni drerë që shëtisin.

Burimet: Forbes, CNN, Anabel

Në trend Stil

Më shumë
A e dini pse duhet të vendosni pak fletë alumini pas ruterit? Shkencëtarët garantojnë për këtë truk

A e dini pse duhet të vendosni pak fletë alumini pas ruterit? Shkencëtarët garantojnë për këtë truk

Stil
A e dini se për çfarë shërben vrima tek kapaku i kënaçes?

A e dini se për çfarë shërben vrima tek kapaku i kënaçes?

A e dini se...
Ekziston një mënyrë efikase si mund ta ndaloni vluarjen e tepërt të ujit në tenxhere

Ekziston një mënyrë efikase si mund ta ndaloni vluarjen e tepërt të ujit në tenxhere

A e dini se...
A e dini pse qeset me çipsa nuk mbushen plot – ekziston një arsye e mirë për këtë

A e dini pse qeset me çipsa nuk mbushen plot – ekziston një arsye e mirë për këtë

A e dini se...
Kuptimi i ëndrrave ku shihni shtëpinë ku jeni rritur

Kuptimi i ëndrrave ku shihni shtëpinë ku jeni rritur

Lifestyle
Mos e prishni jetën e njerëzve të tjerë - ky është sekreti japonez i jetëgjatësisë

Mos e prishni jetën e njerëzve të tjerë - ky është sekreti japonez i jetëgjatësisë

Këshilla Lifestyle
Kalo në kategori