LAJMI I FUNDIT:

Pse aktualisht një lajm i keq është lajm i mirë për Trumpin

Pse aktualisht një lajm i keq është lajm i mirë për Trumpin

Cikli zgjedhor amerikan është i turbullt. Ajo që normalisht do të ishte një rënie është një ngritje – të paktën për sa i përket dy kandidatëve kryesorë dhe popullaritetit të tyre.

Numri i akuzave penale kundër Donald Trumpit vazhdon të rritet – por po ashtu edhe numrat e anketave në zgjedhjet paraprake republikane dhe grumbullimi i parave për fushatën. Ish-presidenti po sfidon gravitetin.

Presidenti aktual, Joe Biden, ka problemin e kundërt – duket se nuk mund të ngritët.


Trump konfirmon se nuk do të marrë pjesë në debatet presidenciale republikane me rivalët e tij në garën për Shtëpinë e Bardhë
Lexo po ashtu Trump konfirmon se nuk do të marrë pjesë në debatet presidenciale republikane me rivalët e tij në garën për Shtëpinë e Bardhë

Pavarësisht se sa mirë po performon vendi, ai nuk po fiton pikë bazuar në sondazhet, raporton bbc.

Biden po drejton një vend me një ekonomi që e ka zili pothuajse çdo shtet në botë. Inflacioni po bie (në 3 për qind dhe është më pak se gjysma e asaj që është në Bashkimin Evropian ose në Mbretëri të Bashkuar), papunësia është gjithashtu e ulët (3.5 për qind) dhe frika për një recesion po zvogëlohet.

Amerikanët ende po shtrydhen shkaku i normave të larta të interesit dhe çmimeve që mbeten mbi nivelet e para pandemisë, por presidenti po udhëton nëpër SHBA duke u kujtuar njerëzve se pjesët kryesore të agjendës së tij, Akti i Reduktimit të Inflacionit dhe Akti i CHIPS, kanë pompuar triliona dollarë në ekonominë amerikane.

Por, Biden nuk duket se po merr shumë merita për ngritjen ekonomike.

Një sondazh i fundit i reuters tregon se 54 për qind e amerikanëve nuk e miratojnë punën që bën Biden – kjo është në fakt disa pikë më keq se në muajin mars, kur një recesion dukej më i mundshëm dhe inflacioni ishte më i lartë.

Ekonomia rritet, shifrat në anketa po i bien. Lajmi i mirë nuk është lajm i mirë.

Një pjesë e problemit është se shumë nga programet e mëdha të shpenzimeve të Bidenit janë ende në fazën e miratimit. Zyrtarët e administratës po shpresojnë se gjersa paratë po shpërndahen në projekte të ndryshme në të gjithë vendin, rregullat e rregullta të politikës do të rifillojnë dhe njerëzit do të shohin përfitimet e asaj që presidenti ka bërë dhe do ta shpërblejnë për këtë.

Sa të mëdha janë problemet ligjore të Donald Trumpit?
Lexo po ashtu Sa të mëdha janë problemet ligjore të Donald Trumpit?

Kjo është arsyeja pse Shtëpia e Bardhë e quajti planin e tij, “Bidenomics”. Por, ka një rrezik për këtë. Nëse inflacioni rritet përsëri dhe një recesion rishfaqet, atëherë republikanëve do t’u jepet një slogan i fuqishëm për reklamat negative të fushatës ndaj presidentit aktual.

Ndërkohë, Donald Trump përballet me situatën e kundërt – lajmi i keq nuk është lajm i keq, transmeton Telegrafi

“Nëse pyetja para votuesve është a duhet Trump të jetë në Shtëpinë e Burgut apo në Shtëpinë e Bardhë? Trump fiton”.

Në kohë normale çështja e burgut nuk do të dukej të ishte lajm i mirë për një kandidat presidencial. Por, ja ku është mendimi kundërintuitiv i të një bashkëpunëtori, “unë në fakt mund ta shes atë shumë më lehtë se “Biden është i neveritshëm dhe nuk e meriton një mandat të dytë”. Për të qenë të qartë, kjo është e ndryshme nga një argument “ai është i pafajshëm”.

Është shumë mahnitëse që njerëzit në orbitën e Trumpit mendojnë se kjo mund të jetë një gjë pozitive për ta. Mahnitëse, por, në këtë botë të rënduar, jo krejtësisht befasuese.

Këto sondazhe të forta primare dhe donacionet e fushatës sugjerojnë se votuesit republikanë e pëlqejnë më shumë Trumpin, pavarësisht, ose ndoshta edhe për shkak të problemeve të tij ligjore.

Ata në fushatën e tij po vënë bast se votuesit në zona vendimtare të vendit, si periferitë e Filadelfias, Pensilvanisë dhe Milwaukee, Wisconsin, do të tmerroheshin aq shumë nga ideja e dërgimit të një ish-presidenti amerikan në burg, saqë do të votonin për të zgjedhur përsëri Trumpin në Shtëpinë e Bardhë, ndoshta me shpresën se ai mund t’i shpëtonte rrezikut ligjor.

Por, ende është herët për të ditur nëse kështu do ta shohin votuesit në nëntor të vitit 2024.

Sondazhet e fundit të elektoratit në tërësi tregojnë se shumica e amerikanëve mendojnë se Trumpi ka kryer një krim. Edhe shumica thonë se nuk do ta votojnë.

“Unë mendoj se stafi i tij e njeh rrezikun në të cilin ndodhet ai tani, por ata duan të kenë pushtet mbi partinë republikane”, thotë Anthony Scaramucci, i cili ishte këshilltari i komunikimit i Trumpit për një periudhë të shkurtër kur ai ishte president.

Pse Bideni është trashëgimtar i Trumpit?
Lexo po ashtu Pse Bideni është trashëgimtar i Trumpit?

“Për këtë arsye ata do ta mbajnë atë në fushatë për aq kohë sa të jetë e mundur, por unë mendoj se ai përfundimisht do të largohet si rezultat i kombinimit të presionit ligjor dhe presionit nga familja e tij”, shtoi ai.

Kjo nuk është njësoj si të thuash se ata janë të emocionuar për Joe Bidenin. Ata nuk janë. Edhe demokratët vënë në dyshim nëse është shumë i vjetër për të kandiduar për një mandat të dytë.

Një gjë që është e sigurt për këtë fushatë, është se do të vazhdojë të jetë e jashtëzakonshme. /Telegrafi/

Në trend Botë

Më shumë

"Kokosi, muzika dhe fushata virale", interneti i pushtuar me Kamala Harris - a do t'i sjellë kjo më shumë vota?

Amerika
Trump i tha nipit ta linte djalin e tij me aftësi të kufizuara të vdiste, shkruan në librin e nipit të Trumpit

Trump i tha nipit ta linte djalin e tij me aftësi të kufizuara të vdiste, shkruan në librin e nipit të Trumpit

Amerika
Të dielën, bota arriti temperaturën më të lartë të regjistruar ndonjëherë

Të dielën, bota arriti temperaturën më të lartë të regjistruar ndonjëherë

Botë
Netanyahu në Kongresin amerikan: SHBA dhe Izraeli duhet të qëndrojnë së bashku, Biden është një sionist krenar

Netanyahu në Kongresin amerikan: SHBA dhe Izraeli duhet të qëndrojnë së bashku, Biden është një sionist krenar

Amerika
Shkon në gjashtë numri i të vdekurve në Kroaci, policia zbulon identitetin e vrasësit

Shkon në gjashtë numri i të vdekurve në Kroaci, policia zbulon identitetin e vrasësit

Kroacia
Shtohen dyshimet për atentatin, Trump:

Shtohen dyshimet për atentatin, Trump: "Si u ngjit dikush në çati dhe pse nuk u raportua?"

Amerika
Kalo në kategori