Siç njoftojnë mediet gjermane, protestues të dhunshëm të partive dhe lëvizjeve të ekstremit të djathtë, ku në mesin e tyre kishte edhe protestues me flamuj rusë, kishin tentuar që dhunshëm të hyjnë në ndërtesën e Parlamentit gjerman.

Partitë dhe lëvizjet e ekstremit të djathtë, të njohura për qëndrimet e tyre pro-ruse, kishin shfrytëzuar pakënaqësinë e qytetarëve gjerman, duke organizuar protestë kundër masave kufizuese të Qeverisë gjermane për parandalimin e pandemisë COVID-19.

Gjatë shëtitjes e cila kryesisht ishte e qetë, element ekstremistë brenda protestuesve, të udhëhequr nga e djathta ekstreme kishin shkaktuar tensione duke u përleshur me policinë në dy pika gjatë itinerarit të protestës, tek ndërtesa e ambasadës ruse dhe tek ndërtesa e Bundestagut.

Attila Hildmann, një nga drejtuesit e protestës

Dhuna kishte eskaluar në moment kur protestuesit i ishin afruar ndërtesës së Bundestagut, kur një grup prej rreth 200 protestuesve të dhunshëm, ku në mesin e tyre kishte edhe protestues me flamuj rus, kishin tentuar që me dhunë të futen në ndërtesë. Protestuesit e dhunshëm ishin penguar nga policia por për shkak të dhunës nga ana e protestuesve kishte të plagosur si nga ana e policëve ashtu edhe protestuesve.

Në këtë protestë u arrestua Attila Hildmann, një nga drejtuesit e protestës. Ai është një turk i lindur, por i adoptuar nga prindër gjermanë. Gjatë arrestimit, Hildmann u rrëzua nga policia pasi ai “ndezi” turmën përmes një megafoni, duke brohoritur “Putin”.

Neo-nazistët gjermanë po trajnohen nga terroristët rusë për trazira, kush është Maik Muller njeri nga udhëheqësit e NDP-së që ka lidhje me Kosovën? Neo-nazistët gjermanë po trajnohen nga terroristët rusë për trazira, kush është Maik Muller njeri nga udhëheqësit e NDP-së që ka lidhje me Kosovën?

Edhe elementi i së djathtës gjermane është i ndikuar nga Rusia.

Mediet kosovare kanë raportuar, se në mesin e këtij ekstremi është edhe Maik Muller, i cili pos aktiviteteve politike në Gjermani, ka krijuar edhe organizatën pro-serbe “Fronti Evropian për Solidaritet me Kosovën”.

Maik Müller në takim me Sava Janjiq

Muller është një nga udhëheqësit e partisë së ekstremit të djathtë apo neo-naziste e njohur si NDP.

Ai është pagëzuar në Kishën Ortodokse Serbe në vitin 2016. Muller e pranon edhe vet se vizitat në Kosovë, takimet me klerikë serbë si dhe me klerikun e Kishës Ortodokse Ruse në Drezden (vendi i njohur ku Putin ka shërbyer si pjesë e KGB-së dhe ku ka mbetje të ndikimit shumë të madh rus), e kanë shtyrë që të bëhet besimtarë i Kishës Ortodokse Serbe.

Dokumenti që dëshmon që Muller ka qenë nën vëzhgimin e shërbimit gjerman

Për aktivitetet e tij të dyshimta, Muller disa vite ka qenë në vëzhgimin e shërbimeve inteligjente gjermane. /Telegrafi/