Specializantët e 22 klinikave të Qendrës Klinike Universitare të Kosovës (QKUK) mëngjesin e sotëm kanë protestuar para drejtorisë së Shërbimit Spitalor Klinik Universitar të Kosovës (SHSKUK) për pagesën e kujdestarive, të cilin po e konsiderojnë në kundërshtim me Ligjin e Punës dhe vendimin e Qeverisë së Kosovës të nxjerr në shkurt të po këtij viti.
Kryetari i Këshillit të specializantëve, Arianit Zajmi u shpreh se ky vendim i SHSKUK-së është i kundërligjshëm po i detyron të punojnë pa pagesë.
Ai tha se nga 1 marsi kujdestaritë e tyre do të paguhen me vendimin e ish-ministrit, Rifat Latifi i cili tashmë me vendimin e ri të ekzekutivit është shfuqizuar.
“Vendim i cili na detyron neve të punojmë në kundërshtim me Ligjin e Punës dhe ky vendim na detyron të punojmë pa pagesë. Në të njëjtën kohë ajo që është më e rënda në aspektin ligjor është se ky vendim po na detyron neve të punojmë kundër rregullores për kompensim të kujdestarive, punën gjatë dhe punë jashtë orarit të punës e cila është miratuar në mbledhjen e 125 të Qeverisë së Kosovës. Ne prej 1 mars 2023 sipas vendimit të SHSKUK-së dhe letrës rekomanduese të kryetarit të Bordit Specialistik ne do të paguhemi në mënyrë të jashtëligjshme nga një vendim i cili është marr vitin e kaluar nga ministri Rifat Latifi më 9 mars 2022. Ky vendim është shfuqizuar prej momentit që është fuqizuar kjo rregullore më 3 shkurt. Kujdestaritë tona tash e tutje do të paguhen me vendimin e 9 marsit 2022 vendim i cili është rënë poshtë prej 3 shkurtit të vitit 2023”, tha Zajmi.
Specializanti Zajmi tha se kanë bërë kërkesa për takime me drejtues të Shërbimit Spitalor Klinik Universitar të Kosovës, por deri tani nuk kanë marr ndonjë përgjigje.
Ndërsa, paralajmëroi protesta të vazhdueshme për të drejtat e tyre.
“Në të njëjtën kohë ne do të vazhdojmë me protesta nuk do të ndalemi për shkak se po protestojmë për të drejtat tona që janë të rregulluara dhe mbrojtura me vetë rregulloret e qeverisë tonë të cilat janë të shenjta dhe duhet të respektohen nga çdo institucion publik”, theksoi ai.
Anëtari i kryesisë së Këshillit të Specializantëve të QKUK-së, Leonard Peci u shpreh se nga drejtorët e të gjitha klinikave në QKUK po marrin shantazhe dhe kërcënime.
“Po kemi shumë shantazhe, po kemi kërcënime të ndryshme të specializantëve në klinika të ndryshme për shembull në sallën kirurgjikale po kërcënohen po thuhet se nuk do të futen fare në salla në ditët e punës nëse nuk dalin vikendeve, po kërcënohen për metodat diagnostike siç janë ultrazëri, metodat endoskopike. Ata po na e penalizojnë shkollimin tonë specialistik në formë të shantazheve nëse ne nuk dalim më shumë se 2 kujdestari që është antiligjore dhe nëse dalim me pagesë 50 euro ditëve të vikendit përkundër që Ligji i punës e thotë ndryshe. Ne po kemi kërcënime me provime specialistike e kollokfiume dhe në forma të ndryshme po hasim në shantazhe dhe kërcënime nga ana e specialistëve të të gjitha klinikat”, tha Peci.
Veton Kurti, specializant në Klinikën e Radiologjisë, u shpreh se me telashe të pagesave të kujdestarive po ballafaqohen çdo 2-3 muaj.
“Jeni dëshmitarë se edhe 2-3 muaj keni qenë këtu para të njëjtit vend dhe objekt çdo 2-3 muaj e kemi këtë problem shpresoj se një herë e mirë të zgjidhjet ky problem se na këtu nuk po dalim prej qejfit por prej zorit”, u deklarua Kurti. /KP/
Lufta Prigozhin - Putin
Më shumëNga Rubrika
1 Maji, Kurti thërret për solidaritet dhe organizim sindikal
Dita e punëtorëve, Tahiri: Sot nuk ka vend për festë – Qeveria mund të festoj dështimet
UBT ndan çmimin më të lartë institucional për Rektorin e Trakya Üniversitesi, Prof. Dr. Erhan Tabakoğlu dhe bën hapjen e Teknoparkut Ndërkombëtar
N’BAU krejt i gjen me zbritje këtë javë!
Fito udhëtim në çift me IP Petrol!
Relaksim në përjetësi, me “Holiday In 2” t’gjitha i ki
Respekti dhe vlerësimi i punëtorëve refletojnë në suksesin e Emona Center
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Rotary Club Prishtina Garden, klubi më i ri i Rotary në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës