Në kohën kur po flitet mundësia për zgjedhje të parakohshme në vend, kanë nisur edhe realizimi i sondazheve të ndryshme për të parë sesi qëndrojnë partitë politike.
Një sondazh i tillë është realizuar së fundmi nga UBO Consulting, sipas të cilit Lëvizja Vetëvendosje kryeson në vend të parë me 48.5%, e dyta është listuar Partia Demokratike e Kosovës me 18.2%, dhe e treta Lidhja Demokratike me 17.9%.
Pas këtyre partive pason AAK e cila rezulton të ketë 6.8%.
Rezultatet e këtij sondazhi kanë shkaktuar pakënaqësi të shumta tek partitë politike.
Krerët dhe zyrtarët e partive opozitare e kanë quajtur këtë sondazh të porositur derisa kanë akuzuar LVV-në për manipulim e propagandë.
Kryetari i LDK-së, Lumir Abdixhiku e quajti “një propagandë e lodhur”, sondazhin e fundit nga UBO Consulting.
Ai u shpreh se tash e dy muaj, Lidhja Demokratike e Kosovës ka porositur një seri sondazhesh, më të mëdhaja në historinë e anketimeve në Kosovë.
“Deri më tani, kanë përfunduar mbi 17,000 anketa vetëm në regjionin qendër. Rekord anketimesh këto për të siguruar saktësi të paprecedentë statistikore. Në pyetjen se, nëse zgjedhjet nacionale mbahen këtë të diel, për cilën parti do të votonit, rezultatet për LDK, të marra deri më tani vetëm për 5 qytete në regjionin qendër janë: Prishtinë 35%, Lipjan 42%, Podujevë 35%, Obiliq 36% dhe Fushë Kosovë 34%”, ka shkruar Abdixhiku.
Reagim ndaj sondazhit të UBO Consulting pati edhe nga nënkryetarja e PDK-së, Vlora Çitaku. Çitaku i ka bërë thirrje kryeministrit të Kosovës, Albin Kurti, që vendi të shkojë në zgjedhje.
“Kryeministër, nëse je vërtetë i kënaqur me sondazhet, hajde shkojmë në zgjedhje. Edhe ashtu, prej korrikut të kemi lutë me e shpërnda Kuvendin. Çohu shkojmë në zgjedhje, edhe e merr vesh tamam se qysh i ke numrat edhe sa janë të kënaqur qytetarët me qeverisjen tënde, e cila do të shkoj n’histori si më e dështuara ndonjëherë!”, shkroi ajo.
Edhe kryetari i AAK-së, Ramush Haradinaj ka reaguar duke thënë se sot në këtë ditë feste kemi luftë sondazhesh e propagandash.
Haradinaj përmes një shkrimi në “Facebook” thotë se, nuk mund të ketë dedikim më të mjerë në një ditë feste se sa lufta me sondazhe të blera.
“Shtrenjtim enorm i rrymës e i gjithë artikujve elementarë ushqimor. Kosto e jetesës e papërballueshme për më shumë se gjysmën e popullsisë, e dikush po ka para me pagu sondazhe e rezultatin e tyre! Një hulumtim i thjeshtë i opinionit publik sot kushton prej 25-50 mijë euro! Prej nga këto para?! Më e pakta do të duhej që të interesohej Prokuroria, sa paguajnë dhe prej nga i kanë paratë!”, ka shkruar Haradinaj.
E me reagimet e partive opozitare ka ironizuar deputeti i LVV-së, Mefail Bajqinovci.
Përmes një videoadresimi në platformën X, ai ka ironizuar duke thënë se opozita tash do ta dërgojë në Kushtetuese UBO-në, RTV Dukagjinin e votuesit.
“Opozita pritet që menjëherë ta dërgojë në Kushtetuese sondazhin, UBO-n, RTV Dukagjinin, respodentët dhe gjithë qytetarët që janë shprehur se do ta votojnë LVV-në. Sinqerisht a mund të më tregoni se çfarë do të bëjë tash opozita, a mund të na tregoni?”, ka deklaruar Bajqinovci. /Telegrafi/
Lufta Prigozhin - Putin
Më shumëEkipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Gashi: Mandatori i ardhshëm për kryeministër duhet së pari të flasë me ne
Pasuria e kryetarit të Suharekës e deklaruar në Agjencinë për Parandalimin e Korrupsionit
Hyri ilegalisht nga Serbia në Kosovë, policia ndalon të dyshuarin
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur