Pronari i Chelseat tallet me Arsenalin, pas transferimit të Trossard

Pronari i Chelseat, Todd Boehly, ka bërë një reagim në një postim në Twitter për të pohuar se klubi i tij ka bërë biznes më të mirë se Arsenali duke nënshkruar me Mykhailo Mudryk, ndërsa Topçinjtë morën Leandro Trossard.

The Gunners dukeshin se ishin në pozicionin pole për të nënshkruar me ukrainasin, por Blutë rrëmbyen lojtarin nga duart e rivalit në një marrëveshje 100 milionë euro.

Arsenali është përgjigjur më pas, duke nënshkruar me Trossard në një marrëveshje afro 35 milionë euro.

Lexo po ashtu Për kë mbipagoi Chelsea e për kë jo - Transfermarkt i ka publikuar detajet

Pas mbërritjes së Trossard në Emirates, një tifoz i Chelseat vendosi të bëjë pyetjen në Twitter se cili klub londinez kishte realizuar marrëveshjen më të mirë, duke dhënë opsionet e një ‘like’ për Mudryk dhe një ‘retëeet’ për Trossard.

Nuk kaloi shumë kohë që Boehly të përgjigjej pasi ai qëndroi pranë vendimmarrjes së klubit të tij dhe i dha postimit një ‘like’.

Lexo po ashtu Drejtori ekzekutiv i Shakhtarit akuzon Arsenalin se kishin kontaktuar me Mudryk fshehtas tyre - para se Chelsea t'i mposhte

Mbështetësi i Chelseat ishte i entuziazmuar kur mori një përgjigje nga pronari amerikan, pasi ai shkroi në Twitter: “Pronari i Chelseat, z. Boehly, ka ‘pëlqyer’ postimin tim në marrëveshjen Mudryk vs Trossard. Faleminderit @Todd_Boehly!!”.

Boehly ka marrë një qasje praktike në Chelsea që kur zëvendësoi Roman Abramovich në krye të majit të kaluar, duke shpenzuar deri më tani afro 500 milionë euro për transferime. /Telegrafi/