Komisioni parlamentar për Arsim sot shqyrtoi dhe miratoi projektligjin për ratifikimin e Memorandumit të Mirëkuptimit ndërmjet Ambasadës së Shteteve të Bashkuara të Amerikës në Prishtinë dhe Ministrisë së Arsimit, programi Fullbright i shkëmbimit akademik.
Me disa ndryshime të këtij projektligji kjo pikë u miratua dhe sipas kryetarit Nait Hasani, të enjten në seancën e radhës do të diskutohet.
Hasani duke folur për projektligjin në fjalë ka dhënë disa vërejtje për punësimet me të njohshëm nëpër shkolla dhe nëpër ministri të ndryshme. Ai dhe kolegët e tij në Komision u pajtuan që ky projektligj të vlejë për të gjitha institucionet e arsimit të lartë në Republikën e Kosovës, e jo edhe për autoritetet tjera kompetente që janë përgjegjëse në fushën e arsimit të lartë. Ky ndryshim u bë në nenin 2 të fushëveprimit të këtij projektligji.
“Problemi është se kemi pranuar njerëz me të njohshëm nëpër shkolla dhe nëpër Ministri dhe i kemi këto defekte. Ne se kemi bërë, por neve na qesin në dilema. Prandaj, unë po kërkoi…ministri ta arsyeton. Unë jam për me ndryshu nenin 2”, theksoi Hasani.
Deputeti nga radhët e VV-së, Ismail Kurteshi, që është edhe anëtar i këtij Komisioni, dha disa vërejtje në këtë projektligj dhe kërkoi nga anëtarët tjerë të Komisionit që të merren parasysh, e jo vetëm të konsiderojnë se kjo punë, siç tha ai,është e kryer. Ai tha se nuk janë për ta penguar këtë projektligj, porse duhet kërkuar më e mira e mundshme, sepse është në interes të vendit.
“Mendoj se ne jemi këtu për me i dhënë vërtetje sugjerimet dhe mendimet tona. Nëse ne kemi ardhur vetëm me konstatuar se kjo është çështje e kryer ,nuk mendoj se ka pasur nevojë me u takuar Komisioni. Është detyrë e jona me shqyrtuar. Në fund të fundit unë nuk jam që patjetër kjo të pengohet nga një sugjerim i yni, por nëse sugjerimet vlejnë që ky memorandum të jetë pak edhe më i mirë se që është bërë, dhe kjo është punë e jona. Nuk mendoj se… u kry kjo punë dhe le të shkoj. Ne duhet më i dhënë sugjerimet tona dhe nëse kjo nuk lëvizë le të dihet se nuk lëvizë. Kjo është në interes të vendit”, tha Kurteshi.
Në mbledhje mori pjesë edhe sekretari i Kuvendit, Ismet Krasniqi, si duket me presonin e tij të votohet ky projektligj që të shqyrtohet në seancën e së enjtes në kuvend. Ky i fundit nuk është zakonisht prezent nëpër mbledhje.
Komisioni shqyrtoi edhe Projektligjin për sponsorizime dhe donacione në fushën e kulturës rinisë dhe sportit, por nuk e miratoi. /Telegrafi/
Promo
Reklamo këtuLufta Prigozhin - Putin
Më shumëRizvanolli: 101,41 milionë euro është fitimi në ndërmarrjet publike gjatë 2022-së
UBT renditet në mesin e top 100 universiteteve në botë në fushën e arkitekturës dhe inxhinierisë civile
Ti në pauzë, a e lyn a e ngjyn?
A don me ditë qysh me u dok ma s'miri?
Telegrafi Jobs, burimi juaj primar për mundësi punësimi
Lista e bizneseve në Kosovë me qarkullimin më të madh në periudhën 2013-2022
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vuçiq: Sonte përfundoi karriera ime
Hovenier: Njohja reciproke është qëndrim i administratës Biden, por s’mendojmë se do të ndodhë tani
Gjashtë lojtarë të Barcelonës që mund të mos kenë të ardhme nën drejtimin e Hansi Flick
Vetëm një shtet i BE-së votoi kundër rezolutës së OKB-së për gjenocidin në Srebrenicë
Man City e sheh ish-lojtarin e tyre si zëvendësuesin perfekt të Guardiolas
Skena të shëmtuara pas finales Trepça-Ylli: Përleshje në palestrën "Minatori" - theren dy persona