Prishtina gjatë orëve të para të mëngjesit të ditës së sotme ka marrë rrugë për në Gjibraltar.

Klubi kryeqytetas tanimë ka mbërritur në shtetin evropian, ku do të zhvillojë ndeshjen e parë evropiane këtë edicion.

Bardhekaltërtit do të përballen me Lincoln Red Imps në kuadër të raundit parakualifikues të Ligës së Evropës.

Ndeshja mes Lincoln dhe Prishtinës zhvillohet ditën e martë me fillim nga ora 18:00 në stadiumin Victoria të Gjibraltarit.

FC Prishtina 2 Foto: FC Prishtina/Facebook

Kujtojmë që për shkak të situatës me pandeminë Covid-19, këto ndeshje kualifikuese në garat evropiane po zhvillohen me takime teke.

Me të mbërritur në aeroportin e Gjibraltarit, të gjithë anëtarët e Prishtinës i janë nënshtruar testeve për Covid-19, ku rezultatet do të dalin në mbrëmje.

Më poshtë njoftimi i plotë i klubit:F.C. Prishtina sot më 17.08.2020 ka mbërritur në shtetin e Gjibraltarit, për ndeshjen parakualifikuese të Europa Ligës edicioni 2020/2021, Lincoln Red Imps(Gjibraltar) - F.C Prishtina(Kosovë), takim ky i cili zhvillohet nesër, e mërkurë më 18.08.2020 me fillim nga ora 18.00 në Stadiumin “Victoria” të Gjibraltarit.

Vlen të theksohet se me të mbërritur në Aeroportin e shtetit të Gjibraltarit, i tërë kontingjenti duke i përfshirë futbollistët, stafin dhe kryesinë e klubit ju ka nënshtruar testeve SARS-CoV-2 nga autoritet vendore, rezultatet e këtyre testimeve pritet ti marrim sot në mbrëmje. /Telegrafi/

Liga e EvropësSport
telegrafi sport app