Prishet ashensori, mbi 30 minatorë të bllokuar kanadezë bënë një “ngjitje vertikale” që zgjati rreth 10 orë

Tridhjetë e nëntë minatorë u përballën me një ngjitje vertikale 10-orëshe pasi u bllokuan thellë nën tokë në lindje të Kanadasë.

Sipas mediave të huaja, përcjell Telegrafi, ata u bllokuan nën minierën Totten në Sudbury, Ontario, të dielën pasi u dëmtua sistemi i ashensorit.

Thuhet se minatorët ishin të palënduar, me qasje në ushqim dhe ujë.

Përpjekjet e shpëtimit ishin duke u zhvilluar të hënën dhe minatorët e rraskapitur po përdornin parzmore për t’i mbajtur ata në shkallët për ngjitjen 1 km (0.6 milje).

Shawn Rideout, oficeri kryesor i shpëtimit të minerave nga Ontario Mine Rescue, i tha gazetës Toronto Star se punëtorët kishin qenë tashmë atje për më shumë se 35 orë para fillimit të ngjitjes së tyre.

Our thoughts are with the 39 miners trapped underground in #Sudbury as rescue teams work to get them safely above ground.

We understand this rescue will take some time and are very relieved to hear the miners are currently uninjured.https://t.co/IpmCwnN1ZP

— Doug Ford (@fordnation) September 27, 2021

Ai tha se ngjitja mund të zgjasë deri në 10 orë, por kishte ndalesa pushimi çdo 100 metra nëse ata kishin nevojë për të bërë një pushim.

“Të gjithë janë të sigurt, të gjithë janë në gjendje të mirë, ne nuk kemi raportuar lëndime. Plani ynë është t’i nxjerrim ata në sipërfaqe në të njëjtën formë”, tha ai.

Minatorët gjithashtu kanë qenë në gjendje të flasin me familjet e tyre në telefon.

Sistemi i ashensorit u bë i papërdorshëm të Dielën pasi një “kovë” e rëndë u përplas në të dhe bllokoi boshtin.

Miniera Totten drejtohet nga firma braziliane Vale dhe punëson rreth 200 persona për të prodhuar bakër, nikel dhe metale të çmuara. /Telegrafi/