Prioriteti kryesor i verës për Barcelonën është vendosur në shitje – Chelsea po kryeson garën për shërbimet e tij

Tashmë është bërë e ditur në Kataloni se mesfushori i Evertonit, Amadou Onana, është opsioni i preferuar për të mbuluar boshllëkun që la Sergio Busquetes pas largimit nga klubi rreth një vit më parë.

Sidoqoftë, blaugranasit po hasin në vështirësi për ta mbyllur marrëveshjen për transferimin e tij, për shkak të situatës së rënduar financiare.

Onana është lidhur gjithashtu edhe me një kalim tek klubet e tjera angleze si Arsenal, Chelsea dhe Manchester United në muajt e fundit, dhe tani mediumi katalanas Sport ka raportuar se Evertoni ka marrë vendimin për të lejuar largimin e senegalezit në verë.

Mirëpo, klubi anglez do të kërkojë një shumë të madhe parash për të lejuar largimin e 22-vjeçarit, teksa do të synojnë edhe shitjen e qendërmbrojtësit Jarrad Branthwaite.

Raportimet e fundit sugjerojnë se Onana mund të largohet për shumën e 50 milionë eurove, por e përditshmja katalanase raporton se ky çmim pritet të rritet deri në 70 milionë euro.

Lexo po ashtu "Do ta mbaj për vete atë që mendoj" - Araujo nuk përgjigjet direk për Gudoganin, por lë shumë për të kuptuar

Barcelona ka qenë në kontakt me agjentët e Onanas në muajt e fundit dhe i kanë sugjeruar Evertonit një shkëmbim lojtarësh për të zbutur çmimin e Onanas, por Chelsea po udhëheq garën për shërbimet e tij, pasi ata janë të gatshëm të plotësojnë kërkesat e tyre financiare.

Siç po shkojnë gjërat, pritet të jemi dëshmitar të një tjetër afati kalimtar të vështirë për Barcelonën, të cilët po kanë vështirësi në mbledhjen e fondeve për transferimin e lojtarëve.

Për të realizuar transferimin e Onanës si dhe transferime të tjera, ata me shumë gjasa duhet të sakrifikojnë disa lojtarë, dhe në mesin e atyre që rrezikojnë shitjen është edhe Ronald Araujo./Telegrafi/