At Nikolla Marku, i njohur si drejtues i kishës ortodokse Shën Mëria në Elbasan, në një intervistë televizive deklaroi se kisha ortodokse u riorganizua duke qenë prezent një kler i huaj.
“Politika shqiptare dhe ajo pjesë që nuk e donte klerin të pavarur, ia dorëzuan kishën kryepeshkopit grek Janullatos. Fjalia e parë e tij kur erdhi ishte se erdhi përkohësisht, se do ringrinte kishat nga themelet dhe do largohej. Ndodhi e kundërta. Janullatosi i ndërtoi kishat në stilin kulturor grek. Të shqipërosh fjalët e Zotit në një kishë, duhet të dish traditën e atij populli dhe mënyrën se si ai shpreh gjuhën e tij. Shumë gjëra të përkthyera nga Fan Noli u zhdukën me ardhjen e Janullatosit, kemi një prezencë liturgjike gjysmën në gjuhën greke”, deklaroi Marku.
Në vijim ai shtoi se kryepeshkopi i kishës, zëvendësi i tij dhe gjithë priftërinjtë duhet të jenë kombas të shtetit ku veprojnë, të të njëjtit gjak dhe gjuhe ku zbatohen ritet, dhe sipas tij kryepeshkopi Janullatos nuk i ka këto cilësi.
Sipas tij, Janullatosi, duke parë anën e dobët ekonomike të shqiptarëve, luajti me ndjenjat e shqiptarëve dhe historinë, duke filluar të rishkruajë historinë.
At Nikolla Marku theksoi se shumë persona e akuzojnë se merret me politikë, por shtoi se gjithçka kërkon ai është e vërteta.
“Unë jam në krye të kishës si shërbëtor i Zotit për të përçuar të vërtetën. E akuzoj Janullatosin jo se ai ka bërë krime, por se pati shumë detyra nga shteti grek dhe shumë nga ato i ka realizuar. Ai peshkopët shqiptarë nuk i veshi. Kishat e ndërtuara prej tij janë të stilit grek. Nëse më parë ishte 90 për qind e gjuhës greke në mesha, tashmë është bërë 50 me 50, falë ndërhyrjeve tona. Ndërsa, lutjet e Janullatosit janë në gjuhën greke. Janullatosi është fatkeqësi e politikës sonë. Ne flasim shqip dhe në kishë duhet të lutem në gjuhën e nënës” ,u shpreh ndër të tjera kleriku elbasanas, transmeton NOA.
Ai e cilësoi si dështim të politikës shqiptare përdorimin e gjuhës greke në kisha dhe se prapaskenat e saj janë antikombëtare, duke theksuar se shqiptarët nuk mund të luten me përkthime.
I pyetur nëse është kërcënuar me vdekje, kleriku deklaroi se nuk ka frikë, edhe pse pranoi se rreth tij ka figura që nuk i duan të mirën dhe duan ta trembin. Sipas tij, kryepeshkopi Janullatos nuk e ka ngritur kurrë zërin për emigrantët shqiptarë dhe nuk ka luajtur asnjë rol në mbrojtje të tyre.
At Nikolla Marku njihet në opinionin publik për kritikat që i ka bërë drejtuesve të Kishës Ortodokse në Shqipëri. Akuzat e tij lidhen me ndikimin grek dhe mos vendosjen e priftërinjve me orgjinë shqiptare në krye të klerit katolik në vend.
Në anën tjetër, Kisha Ortodokse në Shqipëri ka reaguar sot ndaj deklaratave dhe veprimtarisë së Markut. Në një deklaratë për mediat, Kisha Orthodhokse Autoqefale e Shqipërisë deklaron se Nikolla Marku nuk është njohur si prift në asnjë prej institucioneve fetare.
“Kisha Ortodokse Autoqefale e Shqipërisë, i vetmi Institucion fetar ortodoks në Shqipëri, deklaron zyrtarisht, në mënyrë të përsëritur, se Nikolla Marku nuk është prift. Vetëshpallja e tij si prift nuk e bën atë klerik, as nuk e bën të pranueshëm nga të tjerët si të tillë. Nëse dikush e shpall veten ‘kirurg’, ‘profesor’ i një universiteti që nuk ekziston, a do të lejohej vallë të mashtronte njerëzit?”, thuhet në deklaratën e Kishës Ortodokse.
Lidhur me kishën ku Nikolla Marku kryen aktivitet fetar, drejtuesit institucioneve fetare ortodokse thonë se ai e ka uzurpuar në mënyrë të paligjshme këtë ndërtesë.
“Është e qartë se ai vazhdon të përdoret dhe vetëpërdoret në mënyrë të përsëritur nga qarqe ekstremiste për sulme antiorthodhokse. Por, sado të përpiqet të paraqitet si superpatriot, ai është një kukull në duart e të tjerëve. Me sakrilegjet e përditshme që bën fyen rëndë dhe përdhos fenë e krishterë dhe jetën fetare të Shqipërisë, edhe më keq se në regjimin e mëparshëm, dhe mashtron në mënyrë flagrante opinionin publik shqiptar”, thuhet ndër të tjera në reagim. /Telegrafi/
Lufta Prigozhin - Putin
Më shumëNga Rubrika
Emisioni në Rai 3, Rama për “Corriere Della Sera”: Ndërhyra për të mbrojtur imazhin e Shqipërisë
Një 50-vjeçare nga Tetova ka paraqitur në polici një mashtrim gjatë blerjes së pronës në Kodër të Diellit
Dorëzimi i donacioni i PET/CT, Osmani takon princeshën Alsaud – flasin për projektet tjera në interes të qytetarëve
Këshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Sulm fizik ndaj një gruaje dhe kanosje ndaj vozitësit tjetër, Prokuroria ngrit aktakuzë ndaj të dyshuarit në Prishtinë
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Pezulloi detyrat publike për shkak të akuzave ndaj bashkëshortes, Rama i del në krah kryeministrit spanjoll
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre