Futbollisti i Benfikës, Gianluca Prestianni ka përdorur rrjetet sociale pas akuzave se ka abuzuar në mënyrë raciste me Vinicius Junior, duke mohuar diçka të tillë.
Incidenti ndodhi në një ndeshje në të cilën Real Madrid fitoi 1-0 me një gol të sulmuesit brazilian në minutën e 50-të.
Reagime të dhunshme erdhën nga Real Madridi pas ndeshjes së parë të play-off-it të Ligës së Kampionëve, me braziliani ishte një nga aktorët në skandalin që pasoi.
Konkretisht, siç pretendojnë nga Reali, ai u ofendua në mënyrë raciste nga argjentinasi i Benficas, Gianluca Prestianni, i cili mohon publikisht se ka bërë diçka të tillë.
20-vjeçari postoi një foto me Vinicius dhe u përpoq të sqaronte situatën pasi u kritikua ashpër për fyerjen e dyshuar të yllit brazilian.
“Dua të sqaroj se në asnjë moment nuk e kam fyer në mënyrë raciste Vinicius Jr, i cili për fat të keq e keqinterpretoi atë që mendonte se kishte dëgjuar”.
“Nuk kam qenë kurrë racist dhe më vjen keq për kërcënimet që kam marrë nga lojtarët e Real Madridit”, shkroi Prestianni në Instagram. /Telegrafi/
