Fokusi i politikës së jashtme sllovene duhet të jetë Ballkani Perëndimor, ranë dakord sot në takimin e tyre të parë pas përfundimit të zgjedhjeve presidenciale të së dielës, presidenti slloven në largim Borut Pahor dhe presidentja e sapozgjedhur Natasha Pirc Musar.

Reklama

Pahor dhe Pirc Musar theksuan se paqja dhe stabiliteti në Ballkanin Perëndimor janë jashtëzakonisht të rëndësishme për të gjithë Evropën.

Në këtë drejtim, Pahor, i cili përfundon mandatin e tij të dytë në dhjetor, do ta njohë presidentin e ri më në detaje me Procesin Brdo-Brijuni, i cili është i fokusuar në perspektivën e rajonit të Ballkanit Perëndimor, theksuan bashkëbiseduesit, raporton index.hr.

Reklama

Pahor premtoi ndihmën për presidentin e ri edhe për aktivitetet lidhur me anëtarësimin jo të përhershëm të Sllovenisë në Këshillin e Sigurimit të OKB-së, për të cilën Sllovenia aplikoi, u tha pas takimit. Presidenti i sapozgjedhur do të marrë detyrën më 23 dhjetor.

Reklama

Deri atëherë, detyrat e presidentit do t’i kryejë plotësisht Pahor, i cili do të qëndrojë edhe disa herë jashtë shtetit.

Përveç takimit me presidentin austriak në Slloveni, Pahor do të vizitojë edhe Kroacinë me rastin e vizitës së fundit zyrtare dyditore. Në fund ai do të takohet edhe me presidentin italian Sergio Mattarello. /Telegrafi/