Presidenti i Shteteve të Bashkuara, Donald Trump, tha se e mbështet një marrëveshje biznisore që do të lejonte aplikacionin TikTok të vazhdojë të operojë në Amerikë, pas paralajmërimeve se do të ndalojë përdorimin e këtij aplikacioni kinez për shkak të shqetësimeve për sigurinë e brendshme.
Ai tha se ka miratuar një propozim-marrëveshje që i mundëson kompanive amerikane Oracle dhe Walmart të mbikëqyrin punën e këtij aplikacioni.
“Unë i kam dhënë marrëveshjes bekimin tim. Nëse ata e bëjnë atë, kjo është e shkëlqyeshme. Nëse nuk e bëjnë këtë, gjithashtu është në rregull”, tha Trump, përcjell Telegrafi.
Trump tha se marrëveshja do të përfshijë gjithashtu një fond prej 5 miliardë dollarësh për arsimin në SHBA, megjithëse ai nuk tha se cilat kompani do të bën pagesën.
Ai më parë kishte shprehur dëshirën që kompanitë të bënin një pagesë në Thesarin Amerikan, por u befasua kur iu tha që një gjë e tillë do të ishte e paligjshme.
Përfaqësuesit e TikTok thanë se Oracle do të shndërrohet në ofrues të shërbimit të sigurt të kompanisë, duke marrë përgjegjësinë për të monitoruar të dhënat e përdoruesve amerikanë dhe për të siguruar një sistem të sigurt në përputhje me kërkesat e SHBA-së.
TikTok ka thënë se ka 100 milionë përdorues amerikanë dhe 700 milionë në gjithë botën.
Po ashtu, TikTok me anë të deklarate konfirmoi se Oracle dhe Walmart së bashku do të mbajnë deri në 20 për qind të aksioneve.
“Si pjesë e këtij propozimi, Oracle do të bëhet ofruesi ynë i besueshëm i teknologjisë, përgjegjës për ruajtjen e të gjitha të dhënave të përdoruesve të SHBA dhe sigurimin e sistemeve kompjuterike të shoqëruara për të siguruar që kërkesat e sigurisë kombëtare të SHBA-së, janë në përputhje. Ne aktualisht po punojmë me Walmart për një bashkëpunim tregtar. Të dy kompanitë do të marrin pjesë në një raund financimi të TikTok Global para IPO-së në të cilin ata mund të marrin deri në një pjesë kumulative prej 20 për qind në kompani. Ne gjithashtu do të ruajmë dhe të zgjerojë selinë e TikTok Global në SHBA, në ofrimin e 25 mijë vendeve të punës”, njofton kompania.
Ky aplikacion ofron mundësi të realizimit të videove të shkurtra argëtuese të njerëzve, duke imituar të tjerët apo duke sfiduar njëri-tjetrin në gara të ndryshme. /Telegrafi/
Promo
Reklamo këtuLufta Prigozhin - Putin
Më shumëKush është vajza biznesmene që po pushton tregun muzikor?
Kosova përfiton 90 milionë euro nga Banka Botërore
3, 2, 1 Volvo gati për ty!
A po kryhet më në fund rruga Kijevë-Zahaq - inspektohen punimet, Durmishi thotë se po bëhet me dinamikë të shtuar dhe me cilësi
50 brende botërore dhe 60 kuzhinierë pjesë e panairit Horeca - Frigo Deluxe
24 orë na ndajnë nga ngjarja e madhe Halving në Bitcoin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi