Presidenti i Lille, Lopez: Katër klube të mëdha evropiane kanë paraqitur oferta prej 80 milionësh për Pepen

Gerard Lopez ka konfirmuar se katër klube të mëdha evropiane janë të gatshme të transferojnë yllin e tyre, Nicolas Pepe.

Destinacione të ndryshme janë përmendur si opsione për transferimin e yllit të Bregut të Fildishtë këtë verë, ndër to Paris Saint-Germain, Liverpooli dhe Manchester Unitedi.

Megjithatë, klubi italian, Napoli është treguar i shpejt duke treguar gatishmëri për të paguar shifrën e kërkuar nga Lille për Pepe.

Lexo po ashtu Presidenti i Lille konfirmon bisedimet e Liverpoolit me Pepen

Sipas presidentit të Lille, Lopez, Napoli është njëra nga katër “klubet e mëdha” që kanë paraqitur ofertë prej 80 milionë eurosh.

“Vitin e kaluar i kërkuam Pepe që të qëndronte me premtimin që do ta shisnim në këtë afat kalimtar transferimesh”, ka thënë fillimisht Lopez për Tuttosport.

“Ne morëm oferta që na plotësojnë ekonomikisht nga katër klube të mëdha”.

“Presidenti i Napolitt, Aurelio De Laurentiis e ka plotësuar kërkesën tonë për 80 milion euro. Tani është në dorë të lojtarit të vendosë se ku dëshiron të shkojë”.

Lexo po ashtu Napoli dhe Interi në garë për Pepen

“Ai duhet ta marrë atë vendim bazuar në ofertat që agjentët e tij kanë marrë nga katër klubet”.

“Të hënën, Pepe do të kthehet nga pushimet dhe besoj se deri në mes të javës ai do të marrë një vendim”, përfundoi presidenti i Lille. /Telegrafi/