Presidenti Ivanov nuk i pranoi në takim shoqatat patriotike maqedone, ato e shpallën frikacak

Shoqata“Rilindja”, Këshilli mbarëmaqedonas ‘Makedonium’, ‘Tvrdokorni’, Lëvizja për vlera civile dhe Rruga e vetme – lëvizja e bartësve dhe mbrojtësve të suverenitetit shtetëror sot donin t’i dorëzojnë kërkesë me shkrim presidentit Gjorge Ivanov për marrjen e mandatit të kryeministrit Zoran Zaev.

Rreth njëzet anëtarë të shoqatës arritën pasdite para villës së presidentit në Vodno, por pranuan informatë nga sigurimi se ai kishte shkuar. Të pranishmit, për shkak të këtij veprimi, e shpallën presidentin Ivanov frikacak.

Strashko Ollumçev, kryetar i Këshillit mbarëmaqedonas ‘Makedonium’ tha se protestat do të vazhdojnë dhe se përsëri do të mundohen t’i dorëzojnë kërkesat e tyre te presidenti Ivanov.

“Nuk më intereson Zoran Zaevi, nuk më intereson Nikolla Gruevski. Mua më intereson lufta për kauzën maqedonase, Maqedonia dhe kombi maqedonas. Asgjë më tepër, asgjë më pak”

Këto shoqata kërkojnë t’i merret mandati kryeministrit Zaev, sepse kryeministri punon kundër interesave kombëtar dhe shtetëror të Maqedonisë dhe për interesa të huaj dhe rrënim të shtetit./Telegrafi/