Një nga ndihmësit kryesorë të ekonomisë të presidentit të Shteteve të Bashkuara, Joe Biden u bëri thirrje senatorëve demokratë dhe republikanë të miratojnë një ndihmë të re prej 1.9 trilion dollarësh ndaj pandemisë COVID-19, për të ndihmuar amerikanët në nevojë dhe shmangur një krizë më të madhe ekonomike.
Drejtori i Këshillit Ekonomik Kombëtar, Brian Deese tha se do të fliste me senatorët si pjesë e një nisme të administratës së Bidenit për të argumentuar nevojën e një plani më të madh financiar shpëtimi.
“Ne nuk mund të presim. Thjesht arsyeja se politika në Uashington ka qenë e bllokuar më parë, nuk do të thotë se duhet të vazhdojë të bllokohet”, u tha gazetarëve zëdhënësja e Shtëpisë së Bardhë, Karine Jean-Pierre.
Pandemia COVID-19 ka shkaktuar vdekjen e më shumë se 417 mijë amerikanëve, ka bërë që miliona të humbin punën dhe po infekton më shumë se 175 mijë njerëz në ditë, çka përbën një krizë të ngutshme për administratën e Bidenit.
Presidenti Biden bëri fushatë me premtimin për të ndërmarrë veprime agresive kundër pandemisë, të cilën paraardhësi i tij Donald Trump shpesh e minimizoi.
“Administrata Trump mbeti shumë larg synimit të saj për imunizimin e 20 milionë amerikanëve deri në fund të vitit 2020. Ajo nuk kishte asnjë plan të gatshëm për shpërndarjen e vaksinës tek miliona amerikanë kur Biden erdhi në krye të ekzekutivit”, tha shefi i Kabinetit i Shtëpisë së Bardhë, Ron Klain.
Deri tani Kongresi ka autorizuar 4 trilionë dollarë për t’iu përgjigjur pandemisë dhe Shtëpia e Bardhë argumenton se janë të nevojshëm 1.9 trilionë dollarë të tjerë për të mbuluar kostot e përgjigjes ndaj virusit, si dhe për të siguruar kompensime të zgjeruara për papunësinë dhe pagesa për familjet.
“Çështja është kjo: Ne jemi në një emergjencë kombëtare dhe duhet të veprojmë si në emergjencë kombëtare”, tha Biden përpara nënshkrimit të urdhrave ekzekutive për ndihmën ekonomike.
Megjithëse Partia Demokrate e Bidenit ka një shumicë të vogël në të dyja dhomat e Kongresit, legjislacioni mund të ketë nevojë për mbështetje dypartiake për të hequr pengesat procedurale dhe për t’u miratuar nga Senati.
Një numër republikanësh janë shprehur kundër përmasave të paketës së propozuar.
Senatori Mitt Romney, një republikan i moderuar, tha për programin “Fox News Sunday” se do të dëgjonte argumentet e Shtëpisë së Bardhë, “por shifra e përgjithshme është marramendëse”.
“Shpenzimi dhe huazimi i triliona dollarëve nga kinezët nuk është gjëja më e mirë që mund të bëjmë që ekonomia jonë të jetë e fortë në vështrimin afatgjatë”, shtoi senatori. /VoA/
Lufta Prigozhin - Putin
Më shumëPo lulëzojnë ofertat n’BAU MARKET
Afër detit, afër mbretit - Mbreti i "Holiday In 2" po t'fton në fron
Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore
Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm
Abonohu në Shqip.ai - Zbulo pakot e reja të çmimeve
Si t’i japim vlerë partneritetit në biznes?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes