Me pranga në duar arrin të ikë nga vetura e policisë në një plazh në Florida, por sërish kapet

Videoja e adoleshentit duke dalë nga vetura e policisë me duar të lidhura, dhe arratiset për pak sekonda nga policia në një plazh të Floridas, është bërë hit në internet.

Njëri nga pushuesit e plazhit i hapë derën e veturës së policisë, duke ia mundësuar të riut të arratiset për pak sekonda – e pamjet e publikuar në TikTok janë shikuar nga miliona përdorues, transmeton Telegrafi.

Është interesant se kur i riu tenton të arratiset nga policia, pas tij fillon të vrapoj turma – me qëllim që t’ia vështirësojë punën policisë në kapjen e tij.

Megjithatë pas tentimit disa sekondësh ai përfundon sërish në veturën e policisë, e në këtë incident janë prangosur edhe tre pushues tjerë nën akuzën se kanë sulmuar dhe fyer policët.

Kujtojmë që pavarësisht masave kufizuese si preventivë në luftën kundër COVID-19, plazhet në Florida janë stërmbushur nga numri i madh i të rinjve të cilëve duket se nuk po u bën përshtypje pandemia. /Telegrafi/

@nameone_betterFlorida SRING BREAK?#clearwaterbeach #fyp #fyp♬ original sound – user2924827095554

@nameone_better?SORING BREAK PART.2 of the chase#clearwaterbeach #florida #fyp #fyp

♬ Oh No – Kreepa