Me rezultat 4-0, Portugalia ka triumfuar përballë Zvicrës në ndeshjen e dytë në kuadër të Grupit 2 në Ligën A të Ligës së Kombeve.

William Carvalho e zhbllokoi rezultatin në minutën e 15-të pas asistimit nga Cristiano Ronaldo.

Superyllit të Manchester Unitedit i takuan dy golat e radhës (35’ dhe 39’) duke e dërguar përfaqësuesen e tij në pushim me avantazh prej tre golash.

Një tjetër gol u realizua në pjesën e dytë, ndërsa autor ishte Joao Cancelo (68’).

(Foto: Twitter/Portugal)

Në një takim tjetër të këtij grupi, Republika Çeke dhe Spanja kanë luajtur baras (2-2).

Jakub Pesek (4’) dhe Jan Kuchta (66’) realizuan për çekët, ndërsa dy golat e La Roja i realizuan Gavi (45’+3) dhe Inigo Martinez (90’).

Pas dy xhirove, Portugalia është lider i Grupit 2 në Ligën A me katër pikë, aq sa ka edhe Republika Çeke, ndërsa Spanja ka dy pikë, kurse Zvicre asnjë pikë. /Telegrafi/

(Foto: Twitter/Eleccion Espanola de Futbol)