Policia e Kosovës, Prokuroria e shtetit dhe Komisioni Qendror Zgjedhor, kanë mbajtur një takim me qëllim të koordinimit dhe bashkëpunimit të veprimeve, ku është shpalosur programi orientues për Policinë e Kosovës, për zgjedhjet e parakohshme të 11 qershorit.
Laura Pula, koordinatore nacionale për zgjedhjet e parakohshme tha ata janë të angazhuar për mbrojtjen e votës së qytetarit dhe se me qëllim të ngritjes së nivelit të bashkëpunimit dhe koordinimit të vazhdueshëm, Prokuroria e shtetit ka nënshkruar Memorandum bashkëpunimi me KQZ, Policinë e Kosovës, Panelin zgjedhor për ankesa dhe parashtresa dhe Këshillin Gjyqësor të Kosovës.
Ajo bëri të ditur se për këto zgjedhje janë angazhuar 100 prokuror kujdestar, me qëllim që të sigurojnë efikasitet dhe mbrojtje të votës së qytetarit.
“Në këto zgjedhje kemi të angazhuar 100 prokuror kujdestar 24 orë dhe numër të mjaftueshëm të stafit mbështetës, në tërë republikën e Kosovës, për të siguruar efikasitet dhe mbrojtje të votës së qytetarit….Theks i posaçëm i është vërë dhe veprës penale cenim i përcaktimit të votuesi. Për këtë vepër penale, që bënë pjesë në kapitullin e veprave penale, kundër të drejtës së votimit thuhet se kushdo që me përdorim të forcës apo kanosjes serioze, apo keqpërdorimin e vartësisë ekonomike, profesionale për votuesit, ndikon apo detyron votuesin e Kosovës që të votojë në mënyrë të caktuar ose të mos votoj në zgjedhje, dënohet prej 1 deri në 5 vite burgim. Gjithashtu lidhur me këto veprime dhe elemente të kësaj vepre penale dhe vepra penale cenimi i fshehtësisë së votimit, e cila përcakton dhe parasheh që kushdo që me përdorimin e forcës apo kanosjes serioze, ose në ndonjë mënyrë tjetër të kundërligjshme, kërkon nga personi që të tregoj si ka votuar, dënohet me 1 vit burgim. Ndërsa personat zyrtarë dhe anëtarët e KQZ-së, si persona të autorizuar parashihet 1 deri në 5 vite burgim”, tha ajo.
Kryeshefi ekzekutiv i sekretariatit të KQZ-së, Enis Halimi, i cili foli lidhur me përgatitjen që ky institucion po bënë për këto zgjedhje tha se një koordinim mes institucioneve relevante, do të rezultojë i suksesshëm.
“Jemi këtu sot sikundër dhe të kaluarën të provojmë t’i bashkërendojmë aktivitetet me akterët të cilët e përplotësojnë njëri tjetrin, në ditën e zgjedhjeve, para ditës së zgjedhjeve dhe pas ditës së zgjedhjeve. Një dimension jashtëzakonisht të rëndësishëm sikundër është siguria. Ne e dimë dhe kemi qenë dëshmitarë që në të kaluarën kemi pasur telashe, që lidhen me procesin zgjedhor. Por kur është bërë një bashkërendim dhe koordinim në mes akterëve, që edhe sot jemi këtu, në fund ka rezultuar me një rezultat jashtëzakonisht të mirë dhe kemi pasur zgjedhje të cilat kanë qenë të cilësuara, si zgjedhje që kanë arritur standarde me të larta deri në atë kohë“, tha ai.
Zëvendësdrejtori i përgjithshëm i Policisë së Kosovës, Naim Rexha tha se Policia e Kosovës do të bëjë ç’është e mundur për zbatimin e Kushtetutës dhe ligjeve që të mundësojë qytetarëve ta shfrytëzojnë të drejtën për shprehje të lirë.
Ai tha se Policia e Kosovës, duhet të shpalos profesionizëm të lartë dhe neutralitet në këtë proces, raporton KosovaPress.
“Fazat pasuese për të cilat Policia e Kosovës është përgjegjëse do t’i zbatojë siç dhe i ka zbatuar më herët me transparencë të plotë, duke respektuar të drejtat e qytetarëve dhe duke zbatuar ligjin me përpikëri. Dhe sidomos duke demonstruar një neutralitet të plotë, nga pikëpamja e përcaktimeve politike, gjatë ushtrimit të detyrave të autorizuara ligjore, në tërë periudhën e angazhimit të saj. Neutraliteti politik, në suaza të angazhimit gjatë procesit zgjedhor, i cili si i tillë ka ndikim të jashtëzakonshëm në shoqërinë tonë, është dhe në favor të policisë së Kosovës… Neutraliteti i organizatës policore, duhet shpalosur me profesionalizëm të lartë“, tha ai.
Lufta Prigozhin - Putin
Më shumëNga Rubrika
Rekomandohet shpejtësi e rregulluar gjatë udhëtimit për shkak të rrëshqitjeve të mundshme të dheut në RMV
Çmimi i drithit të importuar në Shqipëri ulet me 42 për qind në mars, por buka nuk ndryshon
QMK RMV apelon qytetarët që të kenë kujdes në ndezjen e zjarrit në ambiente të jashtme
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Kushtëzimi me Asociacionin, Kurti s’flet për qëndrimin e Gjermanisë rreth anëtarësimit të Kosovës në KiE
Kryeministri malazez, Spajiq: Nuk do të heqim dorë nga NATO-ja dhe njohja e Kosovës
Publikohet dosja, si e rekrutoi inteligjenca ruse Mikhail Zorin të vinte në Shqipëri dhe të mblidhte informacione
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës