LAJMI I FUNDIT:

Policia e Kosovës arrestoi Sreçko Sofronijeviqin për pjesëmarrje në protestat e vitit 2021, reagon Vuçiq

Policia e Kosovës arrestoi Sreçko Sofronijeviqin për pjesëmarrje në protestat e vitit 2021, reagon Vuçiq

Presidenti i Serbisë, Aleksandar Vuçiq, ka paralajmëruar të dielën se çdokush që shkel rendin kushtetues të Republikës së Serbisë “do të arrestohet dhe ndiqet penalisht”.

Ai i ka bërë këto deklarata teksa ka folur për arrestimin e Sreqko Sofronijeviqit prej Zveçanit, komunë në veri të Kosovës, e banuar me shumicë serbe.

Policia e Kosovës ka thënë të shtunën se e ka ndaluar Sofronijeviqin në pikën kufitare me Serbinë, Bërnjak, për pjesëmarrje në protestat e vitit 2021, të organizuara për shkak të zbatimit të një aksioni kundër kontrabandës me mallra.

Si pasojë e rritjes së tensioneve protestuesit janë përleshur, atëbotë, me zyrtarët policorë, dhe patën mbetur dhjetëra persona të plagosur nga të dyja anët, përfshirë Sofronijeviqin.

Vuçiq ka thënë se autoritetet në Prishtinë e kanë arrestuar një burrë jashtëzakonisht trim, që është plagosur më parë nga “terroristët shqiptarë”.

“E them me qëllim terroristët shqiptarë, sepse kur thonë zyrtarët policorë, ata janë terroristë, pasi nuk kanë të drejtë të jenë në veri të Kosovës. Mos harroni që sipas dokumentit të Brukselit, atje [në veri] duhet të jenë vetëm zyrtarët rajonalë me etni serbe, jo njësitet speciale”, ka thënë Vuçiq, sipas Radiotelevizionit të Serbisë.

Arrestohet një serb në Bërnjak për veprën penale “prishje të rendit kushtetues të Kosovës”
Lexo po ashtu Arrestohet një serb në Bërnjak për veprën penale “prishje të rendit kushtetues të Kosovës”

Në prill të vitit 2013, Kosova dhe Serbia e kanë nënshkruar atë që njihet si “Marrëveshja e Parë e Parimeve që Rregullojnë Normalizimin e Marrëdhënieve” – e njohur si Marrëveshja e Brukselit.

Aty përmendet se do të ketë një komandant rajonal të policisë për katër komunat me shumicë serbe – Mitrovicë të Veriut, Zveçan, Leposaviq dhe Zubin Potok – i cili duhet të jetë serb, shtetas i Kosovës.

Por, në asnjë nga pikat e kësaj marrëveshjeje nuk përmendet shkuarja apo jo e njësive speciale të Policisë së Kosovës në veri.

Vuçiq ka thënë se Sofronijeviq po ndiqet penalisht për prishje të rendit kushtetues.

“Prandaj, dua të ju informoj që sapo Zyra e Prokurorit dhe Ministria e Punëve të Brendshme të funksionojnë plotësisht, dhe besoj që kjo do të ndodhë prej javës së ardhshme, të gjithë ata që kanë shkelur rendin kushtetues të Republikës së Serbisë, ku ne kemi pushtet efektiv, do të ndiqen penalisht dhe arrestohen nga autoritetet kompetente të Serbisë”, është cituar të ketë thënë Vuçiq.

Lista Serbe – partia më e madhe e serbëve në Kosovë – dhe Zyra për Kosovën në Qeverinë e Serbisë, kanë reaguar të shtunën për ndalimin e Sofronijeviqit, dhe kanë kërkuar që përfaqësuesit ndërkombëtarë të reagojnë për, siç vlerësojnë, “shtypjen e serbëve”.

Në trend Lajme

Më shumë
Haxhiu nga Podujeva vdiq në Qabe, teologu tregon pse trupi i të ndjerit nuk mund të kthehet nga Arabia

Haxhiu nga Podujeva vdiq në Qabe, teologu tregon pse trupi i të ndjerit nuk mund të kthehet nga Arabia

Sociale
Vdes profesori i meteorologjisë, Sylë Tahirsylaj

Vdes profesori i meteorologjisë, Sylë Tahirsylaj

Lajme
Krerët e institucioneve dhe të partive politike shprehin ngushëllime për vdekjen e Sylë Tahirsylajt

Krerët e institucioneve dhe të partive politike shprehin ngushëllime për vdekjen e Sylë Tahirsylajt

Lajme
Turistja franceze pëson aksident në bjeshkët e Tropojës, transportohet me helikopter drejt Tiranës

Turistja franceze pëson aksident në bjeshkët e Tropojës, transportohet me helikopter drejt Tiranës

Lajme
Turistët mbushin Sarandën, çmimet më të lira i orientojnë drejt plazheve publike

Turistët mbushin Sarandën, çmimet më të lira i orientojnë drejt plazheve publike

Lajme
Kosova në mesin e 80 vendeve që mbështetën integritetin territorial të Ukrainës, 13 shtete refuzuan

Kosova në mesin e 80 vendeve që mbështetën integritetin territorial të Ukrainës, 13 shtete refuzuan

Lajme
Kalo në kategori