Pogba përgatitet për vendimin kyç pas lëndimit, të hënën udhëton për në Francë

Paul Pogba do të udhëtojë për në Lyon për t’u takuar me profesorin Sonnery Cottet nesër pas një dëmtimi në gju, i cili mund ta bëjë që ai të humbasë Kupën e Botës  që zhvillohet në tetor-nëntor.

Francezi e pësoi këtë problem gjatë një seance stërvitore sa ishte në SHBA me Juventusin dhe testet zbuluan se ai kishte pësuar një dëmtim anësor të meniskut në gjurin e tij të djathtë.

Tashmë ka kaluar një javë dhe ende nuk është marrë asnjë vendim për situatën e Pogbas.

#Juve–#Pogba al bivio: Paul non vorrebbe operarsi, la decisione si avvicina, lunedì il consulto a Lione con Cottet https://t.co/BKKVvGSm78

— calciomercato.com (@cmdotcom) July 31, 2022

Siç raportohet nga Calciomercato.com, Pogba nuk mund të shtyjë më konsultimin e tij, kështu që nesër ai do të jetë në Lyon për t’u takuar me profesor Cottet, i cili do të vlerësojë gjurin e tij dhe do të shohë nëse duhet t’i nënshtrohet një operacioni apo jo.

Nëse do të ishte në dorën e francezit, ai nuk do të dëshironte t’i nënshtrohej një operacioni dhe do të preferonte të provonte të menaxhonte dëmtimin gjatë gjithë sezonit.

Pogba ka qenë në kontakt me stafin mjekësor të Juventusit dhe ata të kombëtares franceze, duke shqyrtuar me kujdes opsionet e tij./Telegrafi/