Po vjen një Land Rover më i fuqishëm: Kushton rreth 120 mijë euro

Land Rover do të ofrojë veturën më të fuqishme në të dy versione të ndryshme, ku motori pesë litërsh V8 do të ndihmohet nga një kompresor mekanik që zhvillon 525 kuaj/fuqi.

Disa ditë më parë, JLR (Jaguar Land Rover) njoftoi se do t’u ofronte klientëve gjashtë SUV elektrikë në pesë vitet e ardhshme, e cila përshtatet në mënyrë perfekte në historinë e elektrizimit universal, por kjo nuk i ndaloi ata të paraqisnin versionin Defender, raporton motortrend.

Defender më i fuqishëm, kabina e të cilit është e veshur me lëkurë të errët dhe Alcantara do të ofrohet në kombinim me një trup më të shkurtër (90) dhe më të gjatë (110). Nga jashtë, ajo është e njohur nga katër skajet e sistemit të shkarkimit, kalibrat e frenave blu në boshtin e përparmë dhe rrotat e errëta prej alumini 22 inç, transmeton Telegrafi.

Mjafton një bubullimë 525 “kuaj” që një SUV britanik të arrijë njëqind metra për pak më shumë se pesë sekonda dhe të zhvillojë 240 km/orë.

Me performancën e përmendur erdhi një pezullim i modifikuar në mënyrë adekuate, një program shtesë pune (Dinamik) dhe një diferencë e pasme elektronike aktive e zhvilluar rishtazi gjersa konsumi mesatar i karburantit është 14.8 litra për 100 kilometra.

Land Rover Defender V8 më i shkurtër me tre dyer në Mbretërinë e Bashkuar kushton 114,500 euro gjersa versioni më i gjatë me pesë dyer 117,575 euro. /Telegrafi/