Po shkonin në një dasmë, 25 të vdekur pasi autobusi ku ishin ata ra në një grykë të Uttarakhand, Indi

Të paktën 25 persona humbën jetën pasi një autobus që transportonte të ftuarit e një dasme ra në një grykë në Uttarakhand, Indi.

Sipas mediave të huaja, përcjell Telegrafi, rreth 20 pasagjerë u shpëtuan në një operacion gjatë gjithë natës në vendin e aksidentit në zonën e Pauri Garhwal.

Autobusi, me rreth 45 persona në bord, po udhëtonte përgjatë një autostrade malore në Uttarakhand kur doli nga skaji dhe ra të paktën 500 metra.

पौड़ी गढ़वाल में धुमाकोट रिखणीखाल बस हादसे में उत्तराखंड पुलिस और एसडीआरएफ ने स्थानीय लोगों के साथ मिलकर 21 लोगों को बचाया। @ANI pic.twitter.com/wgrf4HNkee

— Ashok Kumar IPS (@AshokKumar_IPS) October 5, 2022

“25 persona u gjetën të vdekur në aksidentin e autobusit Pauri Garhwal që ndodhi mbrëmë në zonën Birokhal të Dhumakot. Policia dhe SDRF (Forca Shtetërore e Reagimit ndaj Fatkeqësive) shpëtuan 21 persona gjatë natës; të plagosurit janë shtruar në spitalet e afërta”, ka thënë të mërkurën policia e shtetit.

Policia ka postuar në Twitter pamje nga operacioni gjatë natës, në të cilin ekipet e shpëtimit mund të shihen duke bartur pasagjerët e lënduar.

Presidentja Droupadi Murmu shkroi në Twitter se ishte e dhimbshme nga vdekjet në aksident dhe shpresonte për shërim të shpejtë të të plagosurve. /Telegrafi/