Po ndiqet nga tre top klube evropiane, ylli i Realit po refuzon kontratën e re dhe dëshiron largimin nga Los Blancos

Në fillim të sezonit 2023-24, Andriy Lunin ishte portieri i tretë i Real Madridit pas Thibaut Courtois dhe Kepa Arrizabalagas.

Megjithatë gjërat kanë ndryshuar për mirë për ukrainasin, pasi Courtois u lëndua dhe Lunin arriti t’ia marrë vendin e titullarit spanjollit Kepa.

Por e ardhmja e tij vazhdon të jetë e paqartë pas paraqitjeve të jashtëzakonshme këtë edicion me fanellën madrilene.

Përfaqësuesi aktual i Andriy Lunin, agjenti Jorge Mendes, po shqyrton tre oferta për portierin ukrainas.

Për momentin, futbollisti nuk është i sigurt nëse do të rinovojë kontratën me Real Madridin apo do të provojë fatin larg Santiago Bernabeu.

Edhe pse aktualisht shërben si portieri titullar, ukrainasi pak a shumë ka supozuar se, sapo Thibaut Courtois të lërë pas problemet e tij fizike, ai do të jetë sërish vetëm opsion rezervë dhe ndaj dhe dyshimet e tyre, pasi me belgun në top-formë opsionet e grumbullimit të minutave do të zvogëlohen pothuajse në zero.

Më tej, pas paraqitjes së tij të dukshme në muajt e fundit, ekipe të ndryshme kanë filluar të interesohen për ta punësuar. Në fakt, sot, agjenti i tij, Jorge Mendes, tashmë po shqyrton propozime nga klube të tilla relevante si Paris Saint-Germain, Bayern Munich apo Manchester United.

Lexo po ashtu E nisi sezonin si portieri i tretë, tani është e pabesueshme se si ai u bë hero i Real Madridit

“Ka një lojtar të cilit i përfundon kontrata vitin e ardhshëm dhe gjëja normale është që Madridi dëshiron që ai të vazhdojë, por ai po mendon të largohet këtë vit ose vitin tjetër si lojtar i lirë nëse nuk është titullar”.

“Ai ka tre oferta. Një nga PSG , por është Donnarumma, një tjetër nga Manchester United dhe një e tretë nga Bayern Munich, ai është një portier i mirë, ai po e tregon këtë “, deklaroi gazetari Eduardo Inda mbrëmë në El Chiringuito. /Telegrafi/