Po, ishin të pamatura komentet e Trumpit për Putinin, por ai ka të drejtë të vë në dyshim të ardhmen e NATO-s
Nga: Simon Jenkins / The Guardian
Përkthimi: Telegrafi.com
Donald Trumpi është “i tmerrshëm dhe i pabalancuar”, thonë të gjithë. Ftesa e tij drejtuar Vladimir Putinit në fundjavë – për të pushtuar NATO-n dhe “të bëjë çka dreqin dëshiron” nëse Evropa nuk shpenzon më shumë për mbrojtjen e vet – “vë në rrezik gjithë sigurinë tonë”, paralajmëron shefi i NATO-s, Jens Stoltenberg. Aleanca supozohet të jetë bastioni i lirisë kundër diktaturës, jo se kush paguan dhe për çfarë.
Mund të fillojmë duke ia bërë me dije Trumpit se abuzimi më i egër me NATO-n u bë nga ShBA-ja. Kërkesa e Uashingtonit që aleanca të mbështesë pushtimin hakmarrës të Afganistanit pas 11 shtatorit, ishte fiasko e kushtueshme, e zgjatur e që nuk kishte të bënte me sigurinë perëndimore, por gjithçka ndërlidhej me neo-imperializmin amerikan. Po kështu, thirrja e aleatëve për t’iu bashkuar ndërhyrjeve të tjera militariste, nga Vietnami në Irak dhe në të gjithë Lindjen e Mesme. “Tërheqja e Shteteve të Bashkuara nga perandoria” po rezulton po aq e përgjakshme sa ajo e Britanisë, dhe mos asgjë tjetër është më e sikletshme. Është skandaloz fakti se një ish-president i ShBA-së e nxit Putinin në luftë kundër NATO-s.
Pra, Trumpi me të vërtetë është i pabalancuar, por ka të drejtë? Është konsistent. Në dekadën e fundit ka inkurajuar një nga fazat periodike të izolimit të ShBA-së. Ka sugjeruar se me komunizmin e vdekur, u vjetrua ideja e perandorive konfliktuale ideologjike globale. Për të, vendet perëndimore kanë mjaft probleme në shtëpi. Nuk është detyra e tyre të ndërhyjnë në mosmarrëveshjet kufitare ose konfliktet e brendshme të njerëzve të tjerë. Britania dhe të tjerët mund të kenë dëshirë të luajnë rol në skenën botërore, në stilin e shekujve XIX dhe XX, por nëse këtë e bëjnë ata vetë duhet ta paguajnë. Lërini të ndërtojnë aeroplanmbajtëse të marra që nuk funksionojnë.
Në nivel më pragmatik, ishte haptazi provokues zgjerimi i NATO-s për të përfshirë Baltikun dhe Poloninë. Përgjigja e Putinit në Ukrainë ishte po aq tronditëse, saqë Perëndimi kishte të drejtë ta kundërshtonte duke e lënë të qetë në veprimet më të vogla të Putinit në Kaukaz. Tani kundërshtimi është kthyer në ngërç dhe duhet gjetur një rrugëdalje. NATO duhet të bëhet forcë për paqen, jo për luftën e pafund. Nëse nuk e ka ndërmend të luftojë përgjithmonë për Ukrainën, synimet e saj afatgjata mbeten të paqarta. Skepticizmi i Trumpit është i justifikuar.
Është e vështirë të besohet se Trumpi do ta shpërndajë NATO-n, siç thuhet se ka kërcënuar privatisht se këtë do ta bëjë. Por, neni 5 i Aleancës, zotimi i saj për të shkuar në luftë nëse integriteti i ndonjë anëtari kërcënohet, e kërkon një rishqyrtim. Kjo është veçanërisht e vërtetë në qasjen e ShBA-së ndaj Paqësorit dhe pakësimit të ndjesisë së vetë Evropës për unitet politik. Është e vështirë të besohet se Putini do të përpiqet të rrëzojë më shumë qeveri në Evropën Lindore. Por, ai mund të cenojë kufijtë dhe të nxisë pakënaqësinë e pakicës ruse në shtetet kufitare. Gjeorgjia 2008 ose Ukraina 2014 janë precedentët më të mundshëm sesa Ukraina 2022.
Në atë rast, Trumpi – dhe jo vetëm Trumpi – ka të drejtë të pyesë se cila është puna e ShBA-së në këtë. Nuk është e qartë nëse Evropa mund të japë përgjigje bindëse. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Kosova dhe Këshilli i Evropës: Një hap tjetër prapa në integrimin ndërkombëtar
Dështimi i NATO-s për ta shpëtuar Ukrainën, shtron pyetjen ekzistenciale: Për çfarë ekziston?
Aleatët e Robert Fico kërcënojnë me luftë – me shpërbërjen e demokracisë sonë
Policia dhe ATK me aksion në veri, mbyllin gjashtë njësi të ashtuquajturës "Banka Postare Kursimore"
Banorët e pallatit ku jetojnë njëzet mijë banorë nuk kanë nevojë të zbresin në tokë për javë të tëra
Rikthehet industria ushtarake, Shqipëria do të prodhojë armë
I penduar, Meriton Mjekiqi i kërkon falje publike ish-banores së Big Brother VIP Albania
Policia në kërkim të një burri dhe një gruaje nga Prizreni - dyshohen për veprën penale “Shpërdorim i pasurisë së huaj ”
Zbulohet plani i Carlo Ancelottit për Arda Guler
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit