Plaçkiten vajzat që planifikonin të argëtonin trupat ushtarake amerikane në Kosovës

Një grup prej nëntë nxitëseve të tifozëve të Seattle, “Sea Gals”, që udhëtuan për në Evropë në turne për të argëtuar trupat ushtarake amerikane, janë detyruar të kthehen në shtëpi para kohe të premten pasi u janë vjedhur të gjitha gjësendet e tyre personale.

Këtë e ka konfirmuar nëna e një prej vajzave të “Sea Gal”, që nuk deshi të identifikohej me emër.

Nëntë vajzat po udhëtonin me autobus drejt një baze ushtarake amerikane në Sicili këtë javë kur ndaluan për të drekuar dhe për të parë vendin, thotë nëna e ish-nxitëses Melanie, e cila ka pesë vjet që nuk është pjesë e “Sea Gal”, raporton KIMAtv.com.

Me t’u kthyer e kanë kuptuar se të gjitha gjësendet e tyre personale u ishin vjedhur.

“Të gjitha gjësendet e tyre personale – uniformat e kostumet e tyre – ishin zhdukur”, ka thënë nëna, transmeton Koha.net. “Vajzat s’kishin gjë tjetër përveç rrobave në trup… nuk kishin as krehër… asgjë. Fatkeqësisht tani janë duke u kthyer në shtëpi”.

Ndonëse policia është njoftuar, të njëjtin nuk ia kishin dalë të gjenin të dyshuarit, transmeton Koha.net.

Grupi i vajzave “Sea Gals” kishin planifikuar të shkonin t’i argëtonin ushtarët amerikanë në Itali, Gjermani dhe Kosovë kur ndodhi vjedhja. Por fatkeqësisht, një gjë e tillë u pamundësua.