Pioli: Milani është gati për të nisur sezonin, nënshkrimet e reja të mundshme

Stefano Pioli ka thënë se Milani është gati për fillimin e sezonit të ri të Serie A, por Charles De Ketelaere mund të startojë nga bankina kundër Udineses nesër (e shtunë).

Serie A fillon me kampionët e Serie A që presin Udinesen në San Siro të shtunën nga ora 18:30 dhe Pioli ka folur për nisjen e sezonit.

“Është një Milan i fortë, por fusha do të përcaktojë nëse jemi më mirë apo më keq se sezonin e kaluar. Kam parë të njëjtën frymë si sezonin e kaluar, kjo më bën të jem pozitiv sepse shoh përmirësime”, ka thënë fillimisht Pioli në nkonferencë.

Lexo po ashtu Serie A fillon këtë fundjavë, formacionet e mundshme të klubeve kryesore për javën e parë të sezonit 2022/23

Milani ka nënshkruar me De Ketelaere nga Club Brugge këtë verë, por reprezentuesi belg mund të startojë nesër ndeshjen nga bankina.

“Nëse Brahim Diaz luan, kjo është sepse unë mendoj se ai është më i mirë se të tjerët për këtë ndeshje. Ai ka më shumë ritëm se të tjerët në këtë moment. Charles ka pasur një para-sezon të veçantë për arsyet që ne të gjithë i dimë”.

🎙️ #MilanUdinese 🎙️
Become a member of our YouTube channel to watch the first pre-match presser of the season 👉 https://t.co/NY6qFCGWSh

Torna la #SerieATIM: segui la conferenza del Mister LIVE 👉 https://t.co/bUJsJcbNIh
@play_eFootball | #SempreMilan pic.twitter.com/kpmgYyxYcu

— AC Milan (@acmilan) August 12, 2022

Pioli nesër mund të mbështetet në skuadrën e kompletuar, përveç Sandro Tonalit, i cili po rikuperohet nga një dëmtim.

“Nënshkrimet e reja në sulm, Origi, De Ketelaere dhe Adli më japin ndjenja pozitive. Ata kanë karakteristika interesante dhe ne kemi përfunduar repartin”.

“Nesër janë të gjithë në dispozicion, përveç Tonalit. Origi duket një sulmues i kompletuar, ai mund të sulmojë hapësirën dhe të lidhet me shokët e tij. Ai është shumë i zgjuar, si Adli dhe De Ketelaere. Ata kanë nevojë për kohë për t’u përshtatur, por unë jam i kënaqur me atë që ata po tregojnë”.

Lexo po ashtu Roberto Mancini flet për garën e titullit në Serie A

A pret ai më shumë nënshkrime të reja para fundit të afatit kalimtar të verës?

“Jam shumë i lumtur me ekipin, lojtarët që kanë ardhur dhe klubin. Nëse do të ketë një shans për të nënshkruar me lojtarë të rinj ne do të jemi gati”.

“Ekipi është i kompletuar, por tregu mund të ofrojë zgjidhje që ne as që i konsiderojmë tani. Drejtorët janë gjithmonë gati dhe klubi është në dispozicion. Nëse ka një shans, ne do të bëjmë lëvizjet tona”, përfundoi italiani. /Telegrafi/