Rrustem Mustafa – Remi gjatë javës së ardhshme do të udhëtoj drejt Hagës. Atje do të merret në pyetje në cilësinë e dëshmitarit. Mustafa në një përgjigje për Dukagjinin ka thënë se nuk e di se për cilin proces gjyqësor do të merret në pyetje. Komandant Remi është pjesë e aktakuzës kundër ish-krerëve të UÇK-së, si dhe është përmendur në disa raste përgjatë procesit.
Emri iu përmend në disa raste, në gjykimin kundër ish-krerëve të UÇK-së në Hagë. E të shtunën, Rrustem Mustafa konfirmoi se ka pranuar një ftesë nga Specialja.
Në një përgjigje përmes telefonit për Dukagjinin, Mustafa ka thënë se në Hagë po udhëton në cilësinë e dëshmitarit, mirëpo nuk ka treguar se për çka saktësisht është ftuar.
Për komandant Remin, që ka qenë udhëheqës i zonës operative të Llapit kjo nuk është hera e parë që intervistohet nga Specialja.
Ai ishte marrë në pyetje nga Zyra e Prokurorit të Specializuar edhe në janar të vitit 2019.
Rrustem Mustafa, është gjithashtu pjesë e aktakuzës kundër Hashim Thaçit, Kadri Veselit, Jakup Krasniqit e Rexhep Selimit.
Në pikat 67 dhe 68 të aktakuzës, Prokuroria pretendon se dhjetëra persona u mbajtën të paraburgosur në disa qendra ndalimi që ndodheshin në zonën e Llapit, ku komandant ishte Mustafa.
Emrin e komandant Remit e përmendi edhe një nga dëshmitarët në procesin kundër ish-krerëve të UÇK-së.
“Nuk mund të themi se në cilën fazë të hetimeve janë. A është qëllimi i tyre të përfundohet me ish-krerët e UÇK-së, apo të ftohen edhe persona të tjerë. Megjithatë, gjatë procedurës hetimore janë marrë një mori personash në pyetje, kështu që nuk përjashtohet mundësia që në një fazë të mëvonshme ose edhe të tanishme, të ngritët ndonjë aktakuzë për çështje të krimeve të luftës”, ka deklaruar avokati Kadri Osaj.
Rrustem Mustafa e ka kaluar një proces gjyqësor për krime lufte edhe në Kosovë.
Si pjesë e grupit të Llapit, ai ishte dënuar me 4 vite burgim.
I gjithë grupi, u dënua me 13 vjet heqje lirie.
“Ky rast ka vazhduar procesin gjyqësor edhe me misionin e UNMIK-ut, madje i njëjti rast është kthyer në rigjykim dhe ka vazhduar edhe nga misioni i EULEX-it dhe diku në vitin 2015 ky rast ka marrë formën e prerë. Tani më, Dhomat e Specializuara, apo Gjykata, nuk mund t’i akuzoj personat për pikat e njëjta të aktakuzës për të cilat tanimë janë gjykuar”, ka shtuar Amer Alija – FDH.
Mustafa ka njoftuar se në Hagë do të shkoj gjatë javës së ardhshme.
Lufta Prigozhin - Putin
Më shumëNgacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë