Pësoi një lëndim serioz ndaj Villarrealit – Ter Stegen do mbetet jashtë fushave për shumë kohë

Barcelona shijoi një pasdite fantastike këtë të diel, teksa mposhtën në udhëtim Villarrealin me rezultat të thellë 5-1.

Sidoqoftë, kjo fitore u la atyre një shije të hidhur për shkak të lëndimit serioz që ka pësuar kapiteni i ekipit Marc-Andre Ter Stegen gjatë pjesës së parë.

Ter Stegen u pa në dhimbje të madhe menjëherë pas incidentit dhe u desh ndihma e personelit mjekësor për t’u larguar nga fusha.

Sipas informacioneve të para të Diario AS, zyrtarët e Barcelonës kanë frikë për portierin gjerman i cili rrezikon të humbasë pjesën e mbetur të sezonit dhe nëse konfirmohet lëndimi atëherë mund të mbetet jashtë fushave për nëntë muaj.

🚨 BREAKING: Ter Stegen more or less OUT for the season, he’s suffered a ruptured patellar tendon in his right knee. Surgery soon. @fansjavimiguel #FCB 🔴🔴 pic.twitter.com/mwezGaRYmn

— Reshad Rahman (@ReshadFCB) September 22, 2024

Sipas Helena Condis të COPE, Ter Stegen e ka lënduar zonën e gjurit dhe është transportuar në spital menjëherë pas përfundimit të pjesës së parë.

Do të duhet të pritet 24 orë në mënyrë që të marrim një pamje më të qartë të lëndimit të gjermanit dhe në kampin blaugranas do të shpresojnë që ai ka evituar më të keqen./Telegrafi/