Pesë zëvendësuesit e mundshëm të Cristiano Ronaldos te Juventusi

Kohës së Cristiano Ronaldos te Juventusi duket t’i ketë ardhur fundi këtë verë, me portugezin që ka gjasa të largohet nga Torino pas një qëndrimi tre-vjeçar në Serie A.

Duke pasur parasysh tregun e shfryrë që nga pandemia, është e vështirë të imagjinohet se ka shumë marrëveshje me para të mëdha këtë verë.

Por, nëse Cristiano do të largohet, atëherë Juventus do të duhet ta zëvendësojë atë.

Gazeta spanjolle Marca ka publikuar një artikull me emrat e lojtarëve që Juventusit mund t’iu drejtohet për të mbuluar boshllëkun e lënë nga CR7.

Lexo po ashtu Nga Jesus te Griezmann e Locatelli – strategjia e transferimeve të Juventusit varet e gjitha nga e ardhmja e Ronaldos

Erling Haaland

Haaland është kandidati më i qartë për çdo klub që ka nevojë për një sulmues këtë verë, por norvegjezi nuk mund të transferohet lehtë. Ai thuhet se ka mbyllur derën një lëvizje te Bayern Munich në favor të bashkimit me Real Madrid ose duke një transferimi në Ligën Premier.

Por, Juventusi mund të jetë në gjendje ta ndryshoj mendjen e tij dhe ta joshë atë për një kalim në Itali ndërsa përpiqen që sezonin e ardhshëm ta rikthejnë trofeun e Serie A të fituar nga Interi.

Harry Kane

Kapiteni i Tottenham Hotspur është i etur të largohet nga klubi këtë verë në kërkim të trofeve dhe Manchester City duket të jetë destinacioni më i mundshëm për të dhe largimi nga Anglia është i pabesueshëm.

Megjithatë, Juventusi ka një histori mbresëlënëse të kohëve të fundit kur bëhet fjalë për mbledhjen e trofeve dhe Kane pothuajse me siguri do të fitonte diçka në Torino dhe kjo mund ta josh për një transferim të mundshëm te italianët.

Mauro Icardi

Argjentinasi ka qenë i lidhur me Juventusin shumë herë më parë, por rruga mund të jetë më e lehtë për të ecur nga Parisi sesa nga shtëpia e tij e mëparshme në Milano me Interin.

Ai nuk është bërë aq i rëndësishëm sa kishte pritur në Francë dhe mund të dëshironte një kthim në Serie A, pikërisht te Zonja e Vjetër.

Gabriel Jesus

Juventusi mund të bëjë shumë më keq sesa të kthehet te Jesusi pasi shpreson që t’i kthehet përsëri futbollit dominues italian sezonin e ardhshëm.

Sulmuesi i Manchester Cityt nuk ka qenë kurrë zgjedhja e parë për Pep Guardiolan dhe katalunasi madje është vendosur në sisteme pa sulmues pavarësisht se brazilianin e kishte në dispozicion në të kaluarën.

Antoine Griezmann

Ardhjet e Sergio Agueros dhe Memphis Depayt në Camp Nou ka të ngjarë të çojnë në largime, dhe Griezmann nuk i ka gjetur kurrë ‘këmbët’ e tij te Barcelona.

Paga e tij është gjithashtu e lartë, kështu që katalunasit mund të ulnin koston e shpenzimeve me largimin e tij.

Pavarësisht nëse Juventusi mund të përballonte të shpenzonte paratë e nevojshme për ta nënshkruar, është një çështje tjetër.

/Telegrafi/