Një femër ka raportuar se më datë 30 prill një person pa dëshirën e saj e kishte marrë duke e dërguar në një shtëpi të pabanuar dhe së bashku me katër persona të tjerë dyshohet se e kishin dhunuar si dhe e kishin detyruar të konsumonte substanca narkotike deri më datë 05 maj.

Në raportin 24 orësh të Policisë së Kosovës, rasti ka ndodhur në Prishtinë.

Siç thuhet në raport, me urdhër të prokurorit kujdestar është iniciuar rasti dhe është duke u hetuar.

“Ankuesja femër kosovare është paraqitur në stacion të policisë dhe ka raportuar se më datë 30.04.2021 e kishte takuar të dyshuarin,  i cili pa dëshirën e saj e kishte dërguar atë në një shtëpi të pabanuar në Prishtinë dhe së bashku me katër persona të tjerë meshkuj dyshohet se e kishte dhunuar dhe kishte detyruar të konsumonte substanca narkotike deri më datë 05.05.2021. Me urdhër të prokurorit kujdestar është iniciuar rasti dhe është duke u hetuar”, thuhet në raport. /Telegrafi/