Pesë mënyra se si mund të përdorni inteligjencën emocionale kur përballeni me një narcist

Inteligjenca emocionale mund të jetë një ndihmë e madhe

Këto strategji përfshijnë elementet kryesorë të inteligjencës emocionale, si rregullimin e emocioneve, kuptimin e dinamikave të marrëdhënieve dhe vetëdijen.

1. Besoni ndjenjat tuaja

Nëse keni inteligjencë emocionale, jeni zakonisht të vetëdijshëm për ndjenjat tuaja. Njohja, identifikimi dhe përpunimi i emocioneve ju lejon t’i kuptoni dhe të veproni mbi to në mënyrë konstruktive, në vend që të reagoni. Megjithatë, një narcist shpesh ju bën të dyshoni në ndjenjat tuaja duke imponuar versionin e tij të shtrembëruar të realitetit. Ata mund të përpiqen ta përdorin këtë si armën më të rrezikshme kundër jush.

Prandaj, një nga mjetet e inteligjencës emocionale që mund të përdorni kundër një narcisti është të besoni në atë që ndjeni. Nëse ndjeni se diçka e padrejtë po ndodh në marrëdhënie, atëherë ndoshta kështu është. Ndjenjat tuaja janë të vlefshme dhe meritojnë vëmendje!

2. Rregulloni emocionet tuaja

Aftësia për të rregulluar emocionet ju lejon të dukeni të qetë edhe në situata ku jeni provokuar. Nëse “humbni kontrollin”, gjë që është e kuptueshme në këto situata, narcisti mund të tregojë se jeni ju që jeni “problemi”.

Ai mund gjithashtu të përdorë fjalët tuaja të thëna në çastet e zemërimit dhe t’i përhapë ato tek të tjerët pas shpinës suaj. Edhe pse mund të jetë shumë e vështirë, duhet të qëndroni të qetë kur një narcist përpiqet t’ju manipulojë.

3. Kuptoni dinamikat e marrëdhënieve

Si një person me inteligjencë emocionale, keni një aftësi për të kuptuar dinamikat e marrëdhënieve. Kjo dhunti është e dobishme kur mësoni se si një narcist përpiqet t’ju manipulojë.

Një narcist zakonisht përfshin një grimcë të vërtetë në historinë e tij të shtrembëruar. Kur dëgjoni një fakt të vërtetë, shpesh mendoni se e gjithë narrativa duhet të jetë e saktë, por nuk është. Kujtoni veten që të mos bini në grackën e një gjëje të rreme vetëm sepse ajo përfshin një grimcë të vogël të së vërtetës.

4. Përgjegjësia

Përgjegjësia është një tjetër komponent i inteligjencës emocionale. Është e rëndësishme të merrni përgjegjësinë vetëm për pjesën tuaj të gabimit dhe të vazhdoni ta mbani narcistin përgjegjës për keqtrajtimin emocional, citon Anabel.

5. Vendosni kufij

Strategjia e fundit përfshin kombinimin e rregullimit të emocioneve, kuptimin e dinamikave të marrëdhënieve, si dhe vetëdijen. Inteligjenca juaj emocionale ju lejon të qëndroni të qetë, të reflektoni mbi situatën, të kuptoni manipulimin dhe të vendosni një kufi që të mos dëmtoheni ose të shfrytëzoheni sërish nga narcisti në të ardhmen.

Nëse narcisti kërkon një shpjegim, thjesht përsërisni kufirin e vendosur. Mund t’ju duhet ta përsërisni me mirësjellje disa herë derisa ai ta pranojë. /Telegrafi/