Pesë gjëra që ‘do të ndodhin’ nëse Kylian Mbappe nënshkruan për Al Hilal

Këtë javë, superylli i Paris Saint Germain, Kylian Mbappe është lidhur me një lëvizje të bujshme te klubi i Arabisë Saudite, Al Hilal.

Pas disa javësh spekulimesh intensive, e ardhmja e Mbappes u zhyt në errësirë ​​pasi PSG e la 24-vjeçarin jashtë skuadrës së tyre për turneun e tyre parasezonal në Japoni.

Të hënën, u raportua gjerësisht se skuadra e Superligës së Arabisë Saudite, Al Hilal ka bërë një ofertë të madhe prej 300 milionë euro për Mbappen.

Besohet se francezi mund të fitojë deri në 700 milionë euro për një qëndrim një vjeçar në Arabinë Saudite.

Lexo po ashtu Al Hilal dorëzon ofertën zyrtare për Mbappen: Është rekord botëror ku francezi do të bëhej më i shtrenjti dhe më i paguari në histori

Nëse Mbappe vendos të shkojë në Lindjen e Mesme, këtu janë pesë gjëra që mund të ndodhin në të ardhmen e afërt.

Lëvizja e Mbappes do të pengojë Manchester Unitedin

Pasi Mbappe u largua nga PSG, klubi francez do të duhet ta zëvendësojë atë dhe do të synojë Harry Kane ose Rasmus Hojlund.

Të dy kanë qenë të lidhur me Unitedin pasi ata kërkojnë për një sulmues të ri dhe plani i tyre i transferimit mund të pengohet nga PSG duke rrëmbyer njërin nga dy objektivat e tyre më të mirë.

Cristiano Ronaldo kalon pishtarin te Mbappe

Ronaldo u bë emri i parë i madh që u transferua në Arabinë Saudite në afatin kalimtar të janar duke nënshkruar për Al Nassr.

Ardhja e Mbappe në Superligën e Arabisë Saudite do të nënkuptojë se dyshja do të luajnë kundër njëri-tjetrit dhe mund të bëjë që Ronaldo t’ia kalojë Mbappes epitetin e “GOAT” apo ndryshe të lojtarit më të madh në kampionat.

Huazimi te Newcastle United në janar

Pas një gjysmë sezoni në Arabinë Saudite, Mbappe mund të mërzitet nga futbolli saudit dhe dëshira për t’u rikthyer në Ligën e Kampionëve, duke e bërë Neëcastle destinacionin më të mundshëm për shkak të pronarëve të tyre sauditë.

Një lëvizje te klubi anglez do t’i lejojë gjithashtu Mbappes të provojë futbollin e Ligës Premier.

PSG nuk arrin të fitojë Ligën e Kampionëve

Pas humbjes së asetit të tyre më të çmuar, problemet evropiane të PSG-së do të vazhdojnë pasi ata përsëri dështojnë të fitojnë Ligën e Kampionëve.

Ndërkohë, Mbappe e ka kaluar sezonin e tij duke luajtur në një ligë që nuk është aq cilësore sa disa nga më të mirat e Evropës. Gjë që do të ndikojë në performancën e tij me Francën pasi ata nuk arrijnë të fitojnë Euro 2024.

Real Madrid lëviz në vitin 2024

Pasi të kalojë një sezon me Al Hilal, Mbappe është sërish një lojtar i lirë pasi i skadon kontrata me klubin saudit.

Gjigantët spanjollë të La Ligas, Real Madridi do të vijnë përsëri dhe Mbappe më në fund do të realizojë ëndrrën e tij për të luajtur për Los Blancos.

/Telegrafi/