Në mes të përshkallëzimit të luftës tregtare ndërmjet Shteteve të Bashkuara të Amerikës dhe Kinës, duke hedhur një hije mbi kërkesën botërore, sot çmimet e naftës së papërpunuar filluan me rritje.

Çmimi i naftës Brent, sot filloi të tregtohet me 70.33 dollarë për fuçi, me një rritje prej 0.8 për qind pas mbylljes së ditës së djeshme kur u tregtua 69.96 dollarë për fuçi. Ndërsa, marka WTI sot filloi me 61.23 dollarë për fuçi, me një rritje prej 0.5 për qind pasi dje u mbyll me 60.94 dollarë për fuçi.

Në fund të javës së kaluar, nafta Brent u rrit deri në 72.58 dollarë për fuçi, por shënoi rënie rreth 2.8 për qind, ndërkohë WTI u rrit deri në 63.30 dollarë për fuçi dhe ra 3.3 për qind nga ai nivel.

Vazhdon lufta tregtare, Kina rrit tarifat në 60 miliardë dollarë për mallrat amerikane Vazhdon lufta tregtare, Kina rrit tarifat në 60 miliardë dollarë për mallrat amerikane

Kërkesa e naftës botërore është nën kërcënim pasi tensioni ndërmjet dy ekonomive më të mëdha të botës ka shënuar rritje.

Luhatjet e çmimeve të naftës po ndikojnë në rritjen ekonomike botërore Luhatjet e çmimeve të naftës po ndikojnë në rritjen ekonomike botërore

Përshkallëzimi i tensionit tregtar midis SHBA-së dhe Kinës tregon se rritja ekonomike botërore mund të jetë më e ngadalshme këtë vit dhe kërkesa e përgjithshme e naftës mund të shënoj rënie në të gjithë botën për të ulur çmimet e naftës. /Telegrafi/