Përplasje fizike mes familjeve të viktimave të sulmit të Hamasit dhe rojave të Parlamentit të Izraelit

Një konfrontim i zgjatur dhe pjesërisht i dhunshëm ndodhi të hënën midis prindërve të fëmijëve të vrarë dhe rojeve të Knesset, pasi prindërit u ndaluan të hynin në seksionin e vizitorëve të Parlamentit për të vëzhguar një diskutim në lidhje me një komision shtetëror hetimor për masakrën e 7 tetorit.

Prindërit e viktimave janë anëtarë të OJQ-së Këshilli i Tetorit, i cili përfaqëson 1500 familje që kërkojnë që qeveria të formojë menjëherë një komision, transmeton Telegrafi.

Këshilli tha se i dërgoi një letër të dielën kryetarit të Knesset, Amir Ohana, duke kërkuar që të vinte në seksionin e vizitorëve për diskutim, ku do të merrte pjesë kryeministri Benjamin Netanyahu.

Megjithatë, familjet u bllokuan nga rojet e Knesset dhe oficerët e policisë në fund të një shkalle që çon në seksionin e vizitorëve.

Rojet thanë se vetëm një numër i kufizuar mund të hynte. Konfrontimi u zhvillua në një përleshje mes oficerëve dhe prindërve të fëmijëve të vdekur. Të paktën dy u rrëzuan pas goditjeve.

Përleshja përfundimisht u qetësua. Në një akt proteste, familjet u mblodhën në fund të shkallëve dhe thanë kadish, lutjen hebraike të zisë, ndërsa mbanin pankarta me fotot e të dashurve të tyre.

Familjet u lejuan përfundimisht në seksionin e vizitorëve nën masa të rrepta sigurie. Në një moment gjatë fjalimit të kryeministrit Benjamin Netanyahu, familjarët u ngritën në këmbë dhe i kthyen shpinën kryeministrit, ndërsa mbanin lart fotot e të dashurve të tyre. /Telegrafi/

@aljazeeraenglish Violent clashes erupted at Israel’s parliament when families of Israeli captives in Gaza and survivors of the Oct 7 attack were stopped from watching an address by Prime Minister Benjamin Netanyahu. #news #Netanyahu ♬ original sound – Al Jazeera English

Violent fight between bereaved parents and police officers after they were blocked from entering the Knesset plenum pic.twitter.com/lfAEKKtWEC

— אליאב ברויאר – Eliav Breuer (@BreuerEliav) March 3, 2025

אין גבול לזוועה ולבושה מתמונות אנשי משמר הכנסת הודפים בכוח משפחות שכולות ממחדל השבעה באוקטובר, לחרפה הזו שותף אמיר אוחנה. אין מי שביזה את מוסד יו״ר הכנסת יותר ממנו pic.twitter.com/wXRwefxnrQ

— יאיר לפיד – Yair Lapid (@yairlapid) March 3, 2025