Lajme Kulturë

Përmbledhja me tregime të dashurisë “Nus vers l’independence” (Lakuriq drejt pavarësisë), publikohet në Francë me 35 shkrimtarë shqiptarë

Para 4 vitesh

Nën përkujdesjen e krijuesit Reshat Sahitaj – SH.B. “L’Harmattan” – Paris (Imprimé en France), doli nga shtypi versioni fizik dhe elektronik i përmbledhjes me tregime të dashurisë “Nus vers l’independence”

Botimi i veprës “Nus vers l’independence” (Lakuriq drejt pavarësisë) , është një akt historik për letërsinë shqiptare, sepse për herë të parë lexuesit francez i prezantohemi më 35 tregime të dashurisë të botuara nga Shtëpia Botuese “Le Harmattan” me renome ndërkombëtare.

Është një akt historik sepse për herë të parë në letërsinë shqiptare para botës më krijime artistike dalin 35 autorë të të gjitha trevave shqiptare, nga Kosova, Shqipëria, Maqedonia, Lugina e Preshevës, Mali i Zi dhe diaspora.

Është një akt historik për faktin se libri botohet në djepin e kulturës botërore në Paris, nga një shtëpi botuese e njohur në Evropë.

Krijuesit shqiptarë janë shumë pak të njohur në skenën ndërkombëtare të letërsisë, për shkakun se që nga rënia e sistemit monist nuk është investuar në përkthimin e letërsisë shqiptare në gjuhë botërore.

Ylli i letërsisë botërore pa asnjë dyshim është dhe do të mbetët Ismail Kadare e që njëherazi është përfaqësuesi më i denjë i letërsisë sonë, përmes të cilit bota e njehë Shqipërinë. Mirëpo nëse letërsia shqiptare do të mbetet vetëm më Kadarenë, lirisht mund të konstatojmë se letërsia jonë ka vdekur.

Ismail Kadare i vuri themelet për njohjen e letërsisë sonë në botë dhe emri i tij është një ndihmesë e madhe për krijuesit e gjeneratave të reja shqiptare që të botohen jashtë , sepse këta kanë bazë të fortë të ndërtuar nga Isamil Kadare, Ali Podrimja, Gani Xhafolli, Dritëro Agolli, Fatos Kongoli, Edmond Tupja, e disa të tjerë.

Gjatë dy dekadave të fundit, Unioni i Shkrimtarëve dhe i Kritikëve Shqiptarë, ka bërë përpjekje sistematike për ringjalljen e letërsisë sonë në skenën internacionale dhe brenda kësaj kohe ka arritur të botojë autorët tanë nga shtëpi botuese të njohura, në Francë, Greqi, Belgjikë…

Në vitin 2019 u botuan 12 krijues shqiptarë në antologjinë botërore të rrjetit frankofon dhe dy vepra tjera të dy shkrimtarëve.

Autorët e përfshirë në këtë libër:

Adem Xheladini, Albert Shala, Alma Jaku, Kananasi Karapidou, Alketa Gashi Fazliu, Berat Dakaj, Behare Rexhepi, Bilall M. Maliqi, Biser Mehmeti, Driton Smakaj, Edlira Qefalija Zeka, Flora Peci, Ibrahim Berisha, Isuf Hoxha, Izet Avdyli, Ibrahim Koca, Istref Haxhillari, Asllan Qyqalla, Leonita Fazliu, Luan Xhuli, Mevlyde Mezini-Saraçi, Miranda Lushaj, Hasan Selimi, Prend Buzhala, Remzi Limani, Rozeta Kreste, Sadik Bicaj, Sheqir Podvorica, Shefqet Dinaj, Zyrafete Manaj, Xhelal Ademi, Gjon Gjergjaj-Lyra, Sebahate Sopjani, Viktoria Seferi, Reshat Sahitaj.