Përgjaket Botërori, taksisti rus futet në turmën e tifozëve (Video)

Një taksi është futur në një turmë tifozësh në qendër të Moskës, duke plagosur tetë persona.

Dy përkrahës të Meksikës ishin ndër të lënduar gjatë incidentit në Rrugën Ilyinka të qytetit, afër Sheshit të Kuq të shtunën.

Videoja e kapur nga një kamerë sigurie tregoi ngjarjen që kishte ndodhur.

Shoferi, i cili është identifikuar si Kirgistani kombëtar Anarbek Chyngyz, kishte tentuar të ikte nga vendi i ngjarjes por u kap menjëherë.

Në vendin e ngjarjes, kanë dalë menjëherë forca të shumta policore dhe ato antiterror.

Ndërkaq, Policia ruse paraprakisht përjashton pistën e një sulmi terrorist.

Sipas medieve ruse, drejtuesi i makinës, një shtetas rus, ka humbur kontrollin e mjetit dhe është përplasur me turmën e njerëzve.

Nga të dhënat e para, sipas mediave ruse, dyshohet se ai ishte në gjendje të dehur.

Personat e plagosur janë shoqëruar menjëherë në spital, disa prej të cilëve në gjendje të rëndë shëndetësore.

Incidenti vjen pasi Rusia është në një alarm të rritur terrorist.

Akti në fjalë ndodhi pak orë pasi Departamenti Amerikan i Shtetit paralajmëroi qytetarët amerikanë për mundësinë e sulmeve terroriste gjatë ditëve në vijim të botërorit.

Por policia e trafikut ka thënë që nuk besojnë se incidenti ishte i qëllimshëm.

Ata thanë se Chyngyz ishte akuzuar për disa shkelje të trafikut, por nuk ka njoftuar ndonjë akuzë tjetër, sipas agjencisë së lajmeve Interfax në kryeqytetin rus. /Telegrafi/