Përfaqësuesi i Aleix Vidal ka thënë se nuk ka pasur asnjë kontakt nga Interi apo Roma për mbrojtësin e djathtë të Barcelonës.
Mediat kanë raportuar të enjten se Nerazzurrët janë duke u përpjekur ta transferojnë 28-vjeçarin.
(Foto: Getty Images)
Nga ana tjetër, edhe Giallorossët janë përmendur si një destinacion i mundshëm.
Megjithatë duket se gjithçka është akoma në fazën e spekulimeve dhe nuk ka asgjë konkrete në këtë drejtim.
"Tash për tash, nuk ka asgjë ndërmjet Interit dhe Aleix Vidal", ka thënë ish-portieri Graziano Battistini (që është agjent lojtarësh) për FCInter1908.
(Foto: Getty Images)
"Nuk kemi pasur asnjë kontakt me Nerazzurrët apo Romën, mirëpo do të përpiqemi të gjejmë një zgjidhje për Aleix në janar", ka shtuar ai.
Vidal është pjesë e Barcelonës nga viti 2015, kur u transferua nga Sevilla. /Telegrafi/
