Perez nuk dorëzohet, e do Mbappen te Real Madridi

Presidenti i Real Madridit, Florentino Perez është gati për një goditje mahnitëse të ditëve të fundit të afatit kalimtar për yllin e Paris Saint-Germain, Kylian Mbappe.

Florentino dhe Real Madridi i tij kanë shpenzuar relativisht pak në tregun e transferimeve të kësaj vere.

Por, ata kanë fuqi të mëdha në dispozicion për të sjellë fituesin e Kupës së Botës, Mbappe në Spanjë para se afati kalimtar të mbyllet në fund të muajit.

Lexo po ashtu Perez ende i penduar që nuk e bleu Mbappen

Sipas gazetës AS, dita kyçe do të jetë e hëna, kur PSG duhet të paguajë 180 milionë euro te Monaco për sulmuesin pasi t’i kalojë huazimi 12 mujor.

Mendohet se PSG mund të jetë i detyruar t’i kthejë Mbappen përsëri Monacos, pasi një shpenzim i tillë do t’i shohë ata të thyejnë rregullat financiare të UEFA-s.

Me Ligën Premier dhe Serie A që kanë mbyllur tregun e transferimeve, Reali do të jetë një hap para në nënshkrimin e Mbappeb nëse ai do të kthehet te Monaco.

Lexo po ashtu Real Madridi në pritje të dënimit të PSG-së nga UEFA për ta blerë Neymarin ose Mbappen

Presidenti i La Ligës, Javier Tebas, konfirmoi gjatë të enjtes se UEFA ende po heton PSG-në lidhur me shpenzimet e tyre të fundit të transferimeve.

Për të mësuar përfundimisht nëse Mbappe do të mbetet në Parc des Princes apo do të kalojë në Santiago Bernabeu kanë mbetur vetëm edhe një javë. /Telegrafi/