Presidenti i Real Madridit dhe Superligës Evropiane, Florentino Perez ka folur për largimin e klubeve, teksa ka shtjelluar edhe çështjen e kontratave dhe përzgjedhjen e 12 klubeve themeluese.
Perez ka vazhduar të këmbëngulë që ekipet angleze, ekipet italiane dhe Atletico Madrid nuk e kanë hequr veten ende nga projekti i Superligës Evropiane.
“Ata janë plotësisht gabim”, ka thënë ai kur u pyet në lidhje me njerëzit që mendojnë se Superliga Evropiane tashmë ka mbaruar.
“Unë nuk mendoj se klubet e tjera janë larguar ende. Është e qartë në kontratë që nuk mund të largohesh”.
“Shumica e njerëzve të përfshirë janë drejtorë që e njohin këtë botë”.
I shtyrë më tej përse u zgjodhën këto skuadra dhe nëse elementi i mbyllur i kësaj ligë është pengesa kryesore, ai foli se si anëtarët themelues kishin fituar të drejtën për të qenë anëtarë themelues.
“Këto ekipe e kanë fituar këtë. Këto janë skuadrat që gjatë 20 viteve të fundit e kanë fituar këtë”.
“Ata kanë ndjekjet më të mëdha në rrjetet sociale dhe më shumë fansa”, përfundoi presidenti i Superligës Evropiane. /Telegrafi/
