Perez fton në takim urgjent drejtorët e Real Madridit, pas akuzave për korrupsion ndaj Barcelonës

Real Madridi ka lëshuar komunikatë zyrtare për akuzat që janë ngritur ndaj Barcelonës nga prokuroria e vendit.

Klubi mbretëror ka bërë të ditur se ata do të mbajnë mbledhje të dielën (12 mars) në ora 12:00 dhe të dalin me vendim.

“Nisur nga serioziteti i akuzave të bëra nga Prokuroria e Barcelonës kundër FC Barcelona dhe dy prej presidentëve të saj për dyshime të bazuara për korrupsion dhe marrëdhëniet e tyre me cilindo që ishte nënkryetar i Komitetit Teknik të Gjyqtarëve, Jose Maria Enriquez Negreira, presidenti ka ftuar në takim urgjent Bordin e Drejtorëve nesër, e diel, 12 mars 2023 në orën 12:00, për të vendosur mbi veprimet që Real Madrid i konsideron të përshtatshme në lidhje me këtë çështje”, thuhet në njoftimin e tyre.

Lexo po ashtu Barcelona i frikësohet sanksioneve evropiane për ‘çështjen Negreira’

Barcelona po akuzohet se ka paguar mbi shtatë milionë euro Negreiran për tri vite radhazi dhe ka shqetësime edhe nga klubet e tjera.

Real Madridi duket se është në mbrojtje të klubit katalanas shkaku i themelimit të Superligës Evropiane, por mbetet të shihet nesër se cili do të jetë vendimi i tyre. /Telegrafi/