Për herë të parë në 20 vjet, 1 euro është e barabartë me 1 dollar

Vlera e monedhës euro gjatë të martës është barazuar me dollarin, për herë të parë në në 20 vjet.

Sot, 1 euro ka pasur vlerën sa 1 dollar. Indeksi i dollarit u rrit me 0.3 për qind, ku rritja më e madhe u shënua në tetor të vitit 2002. Në anën tjetër, euro ma mbajtur peshën kryesore të fuqisë së dollarit, duke rënë deri në 1.00005 dollarë, që paraqet nivelin më të dobët që nga dhjetori i vitit 2002.

Monedha euro ka qenë nën presion në tregjet financiare për shkak të ndikimit të luftës në Ukrainës dhe masave të vendosura nga Banka Qendrore Evropiane për të luftuar inflacionin.

View this post on Instagram

A post shared by Telegrafi.com (@telegrafi)

Sa më i ulët të jetë kursi i këmbimit të euros, aq më të forta do të bëhen monedhat e tjera, sikurse dollari. Si rezultat i kësaj, mallrat e importuara në shtetet evropiane bëhen më të shtrenjta, gjë që nxit më shumë inflacion.

Hera e fundit kur euro ishte pothuajse në nivelin e njëjtë me dollarin ishte pas prezantimit të monedhave dhe kartëmonedhave evropiane në fillim të vitit 2002. /Telegrafi/